Shqipëria po bëhet gati për të organizuar për herë të parë një finale të madhe të një kompeticioni europian, që do të mbahet mend edhe si finalja e parë e Conference League. Roma dhe Feyenoord luajnë finalen e parë historike të Conference League në “Air Albania”, më 25 maj ora 21:00.
Pas 31 vitesh Roma rikthehet për të luajtur një finale europiane dhe askush nuk dëshiron ta humbasë.Prestigjozja “Il Messaggero” në Itali ka bërë një bilanc të situatës me biletat dhe kërkesa e tejkalon shumë numrin e kuponëve që do jenë dispozicion.1800 bileta do jepen me short në praninë e një noteri dhe tashmë është bërë një konkurs për rezervimin e biletave.
Nga 21 mijë që donin ta provonin, rreth 13993 e kanë bërë kërkesën.166 bileta janë dhuruar nga klubi për tifozët besnik që ishin në transfertën norvegjeze. Situata është kaotike dhe për ardhjen e tifozëve në Tiranë me aeroplanë apo tragetë.Çmimet tashmë janë çuar në qiell. Kostoja e udhëtimit në fillim të vitit ishte 50 euro, ndërsa tani është shtuar dhe pritet të shtohet më shumë. Data 25 maj do jetë historike për Tiranën.
