Pas bombës që lëshoi deputeti gjerman më besnik i PD, Krichbaum, ndaj Doktorit, duke paralajmëruar se nëse ai zgjidhet në krye të PD, ajo do përjashtohet dhe nga Partitë Popullore, Muli ishte shumë i shqetësuar.
Kërkoi të lidhej menjëherë me këshilltarin Henz.
Në telefon nuk po i përgjigjej, edhe pse dilte hapur.
Pastaj u sqarua se nuk ka më lekë në telefon, se Gaz Bardhi i ka prerë lekët.
U takuan dhe ranë dakord që tani e tutje telefonin dhe qiranë t’ia paguajë Zeni, për të ngrënë, tek këto restorantet e PD.
Pasi u qetësua për gjërat kryesore, këshilltari Henz nisi t’i flasë për deklaratën e Krichbaum.
-Nga zbulimet e mija më rezulton se ai ka pas punuar më parë në një kompani amerikane, tha këshilltari Henz.
Fakti që nga një kompani amerikane ka përfunduar deputet në CDU, duket se është rekrutuar nga Sorosi, dhe ai e ka pilotuar tek CDU që ta kishin për ndonjë ditë të keqe.
Ky ka qenë rasti që atyre u është dashur dhe e kanë përdorur.
-Si të bëjmë që ta demaskojmë, tha Muli?
-Problemi është se ai është xheloz për mua, tha këshilltari Henz.
Ai mendon se ju më paguani shtrenjtë për këshillat që ju jap, dhe gjithë ketë e bën nga zilia.
Ai nuk e di që unë e bëj këtë punë me zemër.
-Po si t’ia bëjmë, tha Muli.
Ti them Gencit të flasë njëherë me halla Dorisin, se ai ua ka marrë dorën këtyre plakave.
-Shumë mirë do të jetë, të flasë një herë, por ata e kanë me mua inatin.
Nëse ajo nuk bën gjë, atëherë unë do hidhem në veprim dhe nesër do bëj një tuiter për këtë çështje.
Pastaj kanë punë me mua.
Do t’u tregoj shqiptarëve si Sorosi ka blerë CDU dhe EPP.
Dhe aty merr fund CDU dhe EPP.
