Juristi Romeo Kara komentuar dje deklaratën e bërë dy ditë më parë në Komisionin e Ligjeve nga Kryetari i Kontrollit të Lartë të Shtetit, Arben Shehu, i cili bëri të ditur se janë kallëzuar në SPAK rreth 300 zyrtar të lartë dhe se dëmi që llogaritet në buxhetin e shtetit është rreth 19 miliardë lekë.
Përmes një statusi në rrjetet sociale, juristi kara thekson se realitet është më i zi dhe se sipas tij, shifra e të koruptuarëve në vend është e madhe. “300 zyrtarë të korruptuar duket si një shifër e lartë dhe shuma 19 miliardë leke dëm gjithashtu. Realiteti është shumë më i zi. Kjo shifër e KLSH-se nuk i përgjigjet as 10% te realitetit.
Vetëm policë mund të jenë mbi 3000 që shpërdorojnë detyrën, përfshihen nëpër trafiqe, punojnë për llogari të mafiozeve, dekonspirojnë operacionet dhe mbi të gjitha pasurohen duke servirur pabesinë e llojit më të poshtër, ate te policit ne shërbim te krimit.
300 zyrtare te korruptuar mund t’i këtë vetëm nje ministri dhe dikasteret ne varësi te saj, apo nje bashki dhe ndërmarrjet ne varësi te saj.
Nese ka 300 zyrtare te korruptuar, minimalisht do te duhej te kishte edhe 300 biznesmenë të korruptuar të kallëzuar, pasi korrupsioni përfshin minimumi dy palë që e ekzekutojnë veprën penale dhe disa të tjerë lart që e frymëzojnë dhe garantojnë atë. KLSH lë të shikojë se, tek cilat kompani private, shkon nëpërmjet tenderave, shumica e buxhetit të shtetit dhe të jetë e bindur se, janë tashme ato kompani, që menaxhojnë shtetin dhe buxhetin e tij, për të mos thënë, që kanë arritur të emërojnë, pikërisht në pozicionet e duhura njerëzit e tyre, te cilët menaxhojnë direkt, procedurat e tenderave në favor të kompanive.
KLSH duhet të largojë gjithashtu korrupsionin brenda vetes së saj, gjobaxhinjtë që qelben erë pazari dhe t’i drejtohet zbatimit rigoroz të standardeve, të cilat do ta çonin normalisht atë drejt një Gjykatë Llogarie, ashtu siç edhe i duhet vendit”, shkruan juristi Romeo Kara.
