Premtimi për zero taksa deri më 2029 merr fund më 1 janar 2023. Profesionistët e lirë do të tatohen deri në 23%. Qeveria nuk do dallojë abuzuesit, ndëshkon të gjithë profesionistët e lirë.
Nga Fiordi Përnaska
Siguria është baza kryesore që nxit dhe zhvillon biznesin në një shoqëri.
Sa më e pa-sigurt dhe e ndryshueshme struktura ku biznezet operojnë, aq më pak nxitet dhe zhvillohet biznesi.
Problemi është që ato sipërmarrës të cilët e kanë ndarë mëndjen të bëjnë biznes jo vetëm që bllokohen në vend se të suportohen, por shtyhen që të çojnë idetë e tyre dhe ti ngrejnë ato në një vend tjetër ku kanë më shumë lehtësira dhe oportunitete sidomos në fazat e para të cilat dihen që janë më të vështirat.
Një nga statistikat më të rëndësishme dhe interesante të bizneseve të reja është se nga 10 biznese të reja, vetem 4 e arrijnë vitin e 3të, pra 60% e bizneseve të reja dështojnë dhe nuk e arrijne vitin e 3të. Ky numër rritet dhe shkon në 70% për vitin e 5të.
Për më tepër rreth 90% e start-up-eve dështojnë, në një periudhë më ekstensive.
Duke pasur parsysh nocionin “Krijimi Shkatërrues” të kapitalizmit i cili nënkupton zhvillimin e ekonomisë përmes krijimit të bizneseve të reja, të cilat duke qënë më eficente dhe inovatore zëvendësojnë ato të vjetrat të cilat si rrjedhim dalin nga tregu, dhe tregu përmirësohet për publikun duke pasur oferta më të lira dhe njëkohësisht më të mira se të mëparshmet, kusht thelbësor që kjo të ndodhi është KRIJIMI pra hapja dhe lehtësimi i hapjes i një numri sa më të madh të bizneseve të vogla në mënyrë të tillë që të përmirësojnë tregun dhe të zëvendësojnë bizneset e vjetra të cilat kontribuojnë më pak me ofertat e tyre për tregun.
Këtu tek ne po ndodh dicka tjeter: “Bllokimi Shkatërrues”
Kjo është një kosto shumë e madhe për ekonominë dhe mirëqenien e një vendi, sidomos e një vendi të vogël si Shqipëria e cila duhet të ketë nje qasje krejt tjetër, jo vetëm për të stimuluar sipërmarrjen e vogël brenda vendit, por duke tërhequr dhe sipërmarrës nga jashtë vendit.
Profesionistet e lirë “freelancers” duhet të konsiderohen një nga grupet më në nevojë për mbështetje pasi vështirësia për të shitur shërbimin e tyre është relativisht e madhe. Per shembull, në krahasim me një biznes të vogël “mini-market” ku klientë do vijnë në një mënyrë ose një tjetër pasi kanë nevojë ditore të vazhdueshme për produkte ushqimore, një profesionist i lirë duhet të kalojë në shumë përpëlitje për të siguruar një klient, dhe në akoma më shumë siklete për ta mbajtur atë. Kjo e ben më të veshtirë punën sidomos në fazat fillestare për profesionistët e lirë.
Ky ëhtë një lajm shumë negativ dhe i keq për sipërmarrjen shqiptare jo vetëm të brendshme por edhe të jashtme duke i vënë një barrierë të panevojshme profesionistëve të lirë, përfshirë atyre të huaj për të pasur bazën e operimeve në Shqipëri.
Hipokrizia qëndron në faktin që konsiderohen “abuzues” sipërmarrësit e rinj të cilët i futen një rruge plot me veshtirësi me vullnetin e plotë dhe guximin e tyre, duke marrë persipër një risk shumë të madh dështimi dhe duke futur në lojë kursimet e tyre të jetës. Dhe nuk konisdeorhen ABUZUES mijëra raste biznesesh të mëdha që bëjnë evazione fiskale me manovra nga më të ndryshmet si dhe ata që operojnë me para te pa-deklaruar në fusha të ndryshme duke shtrembëruar dhe bllokuar tregun dhe duke i dhënë një goditje të drejtpërdrejtë sipërmarrjes së ndershme.
Nje pyetje kam: A blini dot shtepi ne Tirane?
