Ashtu siç gazeta “SOT” e paralajmëroi, Kryesia e Komisionit të Rithemelimit dhe Këshilli Kombëtar i “Foltores” kanë përcaktuar dje kandidatët për postet drejtuese të partisë.
Flamur Noka dhe Arben Ristani ishin dy kandidatët për postin e Sekretarit të Përgjithshëm, ndërsa për postin e nënkryetarit janë në garë deputetët Luçiano Boçi, Oerd Bylykbashi, Agron Shehaj dhe Belind Këlliçi, ndër të cilët 2 më të votuarit do të jenë nënkryetarë. Kjo listë së bashku me kandidatët për sekretariatin, u miratua dje fillimisht në mbledhjen e Kryesisë, e cila më pas kaloi në votim gjatë mbledhjes së Këshillit. Por duket se edhe zgjedhja e kupolës së re të Partisë Demorkatike nuk ka pasur shumë surpriza, pasi postet kyçe i kanë përlarë besnikët e ish-kryeministrit Sali Berisha.
Njëri prej tyre është deputeti i PD, Flamur Noka, i cili është vënë në qendër të vëmendjes dhe sulmeve të mbështetësve të Lulzim Bashës, për të cilin thuhet se ka një vilë 700 mijë euro, pasuri kjo që po e shfrytëzon Edi Rama, duke e mbajtur “peng”. Mirëpo, këto akuza dhe deklarata publike, të cilat fillimisht janë artikuluar nga goja e Gazment Bardhit, nuk ka ndikuar në vendimmarrjen e 270 anëtarëve të Këshillit Kombëtar të “Foltores”, pasi kanë mbështetur me votë Flamur Nokën, të cilit Berisha i ka vënë përballë Arben Ristanin për postin e Sekretarit të Përgjithshëm.
Noka ka marrë 144 vota, shumë më tepër se Arben Ristani, i cili ka vetëm 52 vota, sipas rezultatit zyrtar. Ndërkohë më e ngushtë duket gara për nënkryetarët, ku 4 kandidatët janë thuajse barabartë me vota, ndërsa kryeson Luçiano Boçi dhe më pas vijnë Belind Këlliçi, Bylykbashi dhe më pak i votuari është Agron Shehaj, referuar rezultatit të numrit të votave që nuk ishte mbyllur ende deri mbrëmjen e djeshme vonë.
Berisha kërkon mobilizim e strukturave kundër Ramës
Megjithatë, mbledhjen e djeshme Sali Berisha e shfrytëzoi edhe për të dhënë disa porosi anëtarëve të Këshillit Kombëtar të “Foltores”, duke i thënë se duhet të fillojnë një debat për interesin e qytetarëve shqiptarë. Madje, Berisha bëri thirrje edhe për protesta. “T’i dalim zot interesit tonë kombëtar sepse pikërisht se nuk është mbrojtur ky interes, Shqipëria është rrokullisur. Asnjë interes tjetër i qytetarëve shqiptar nuk mund të mbrohet para interesit kombëtar. Partia duhet të dalë në fushë-betejë.
Nuk mundet kurrë kush të luajë me fatet e shqiptarëve, nuk mundet kush të mbajë në këmbë një parlament që mohon gjakun e derdhur të shqiptarëve në Kosovë. Situata është më alarmante se kurrë. I kërkoj drejtuesit e degëve të mbledhin me urgjencë kryesitë, të zhvillojnë debat të hapur politik”, nënvizoi Berisha.
Murrizi “shuplakë” të fortë Berishës
Pas porosive të ish-kryeministrit, fjalën e mori ish-deputeti Myslim Murrizi, i cili foli pa dorashka para Sali Berishës, duke thënë nuk merret vota përmes kandidatëve Ëhatsapp dhe i sugjeron që të thërrasë protesta e të shohë se sa mbështetës arrijnë të çojnë për të rrëzuar Edi Ramën.
“Nëse jeni në delir që 6 marsi na solli në pushtet, unë the se sa kemi futur këmbët në ujë, se kemi kaluar lumin. Sa nga këta të votuarit përmes ËhatsApp marrin përsipër atë që thotë doktor Berisha, sjellin njerëz për të sjellë protesta? J
anë të mirë, por për çfarë për miq, për krushq? Më thonë që veç me Lulin e Gazin e paskeni pas betejën se të gjithë kryesia e Lulit është aty prapë. Që qershia mbi tortë Bardh Spahia nuk u votëbesoka brenda këtij Këshilli Kombëtar.
Thuaj të bëjnë protestë, sa njerëz sjellin nga mbrapa? Unë e di që ëndërroni të gjithë për parlament , lërini të flasin, pa lekë e kemi të folurën…Çfarë vlerë ka që je anëtar Kryesisë pa votues. Ne kemi cic-mice mes vetes, ç’është kjo punë që i çoni mesazhe njëri-tjetrit në Ëhatsapp ‘a të keqen ma ki pak kujdes filanin’. I uroj suksese asaj kryesie, por që nesër të dalin në terren”, deklaroi Murrizi./Rigels Seliman
