Flamur Noka nuk është deputeti dhe ish ministri i vetëm, i cili dyshohet dhe përflitet se është pronar real i vilës 760 mijë euro në Gjirin e Lalzit, kamufluar nën emrin e oligarkut Petrit Maho.
Genc Pollo, Ylli Manjani, Fatmir Mediu, Arben Ahmetaj, Damian Gjiknuri etj., përfliten se posedojnë vila të fshehura në emrin e oligarkëve, për shkak se nuk i justifikojnë dot me të ardhura të ligjshme.
Burime tepër serioze dhe të kryqëzuara ngrenë dyshime të forta se deputeti dhe ish-ministri Blendi Klosi fsheh të paktën dy vila me vlerë qindra mijëra euro, në emrin e Sandrit të listës së zezë të pashpallur të Shteteve të Bashkuara të Amerikës.
Bëhet fjalë për një vilë në Palasë dhe tjera në periferi të Tiranës, të cilat frekuentohen sistematikisht nga Blendi Klosi.
Duke mos pasur të ardhura të mjaftueshme për mbulimin e vlerë, dyshohet se dy vilat janë në emrin e Sandrit, një nga kokat kryesore të pastrimit të parave në Shqipëri, korrupsionit, shantazhit ndaj zyrtarëve publikë, grabitjes së pronave publike, tenderave me vlerë qindra milionë euro përmes kompanive në emrin ushtarëve të tij dhe kunatit, i lejeve të ndërtimit, kullave me para korrupsioni etj. Jo rastësisht i është ndaluar hyrja në SHBA prej dy vitesh.
Rrethi i tyre i ngushtë dinë hollësi deri edhe sa kushton dhe ku është marrë mermeri i vilës së Klosit në Palasë, ndërsa duket e çuditshme se si deri më sot SPAK nuk ka vepruar në këtë drejtim.
Blendi Klosi ka hyrë në politikë ‘cullak’, duke deklaruar si pasuri vetëm 20 % të një shtëpie 80 m2, privatizuar pas shembjes së regjimit komunist.
