Sali Berisha është pyetur sot nga gazetarët lidhur me deklaratën e bërë nga raportuesi për Shqipërinë në CDU, Peter Beyer.
Ky i fundit deklaroi në emër të CDU, se ata nuk do bashkëpunojnë me një person të shpallur “non grata” nga SHBA.
“Këtë betejë Sali Berisha nuk e ka nisur me asnjë përkrahje të askujt përveç shqiptarëve.
Ju garantoj se çdo ditë ndihem më i motivuar se kurrë nga mbështetja e shqiptarëve. Ju besoj jeni dëshmitarë të kësaj”- u përgjigj Berisha.
Kujtojmë se gjatë vizitës së tij të fundit në Tiranë, deputeti i CDU-së Peter Beyer theksoi se Gjermania do të qëndrojë krah SHBA-ve në vendimin për të mos bashkëpunuar me persona të shpallur non-grata.
