Një qytetar në Korçë ka mbetur pa fjalë kur kontrolluar produktet e blera në market. Mes të tjerash, ai ka blerë edhe një bidon “Amita”, sipas etiketës me përbërje frutash të shfrydhura.
Por ajo që do të gjente brenda kutisë së lëngut të frutave të freskët do të ishte shokuese. Në videon e dërguar në redaksinë tonë nga vetë qytetari duket qartë gjithçka.
Brenda në paketimin prej kartoni të “Amitës” është shfaqur një gjallesë zvarraniku, por e papërcaktuar se çfarë është konkretisht. Ky rast nuk është i izoluar.
Në të kaluarën ka patur edhe denoncime të tjera të kësaj natyre, ku konsumatorët kanë gjetur insekte brenda në shishet me lëngje frutash “Amita”.
Shëndeti i qytetarëve është në rrezik sidomos tani në stinën e verës, ndërkohë që inspektorët e AKU e kanë mendjen të mbledhin zarfet me ryshfet në terren dhe jo të kontrollojnë cilësinë e produkteve që tregtohen.
Ndërkaq, ka dyshime të forta edhe sa i takon vërtetësisë së etiketës së Amita, pasi lëngu origjinal i frutave ka një kosto dhe vlerë dy-tre herë më të lartë se sa çmimi i një bidoni me Amita.
Kështu veprohet edhe me djathin, ku një kg djathë me niseshte dhe vaji palme shitet rreth 300 lekë ose 3 USD ndërkohë që kostoja e prodhimit të një kg djathë bio ka një kosto prodhimi 3-4 herë më të lartë.
Në kushtet kur AKU është blerë nga mafia e ushqimeve, qytetarët duhet të bëjnë kujdes, ku rruga më e sigurt është blerja dhe shtrydhja e frutave.
Për të parë videon kliko linkun KËTU
