Deputeti i Bundestagut, Adis Ahmetoviç në një konferencë për shtyp ka dhënë një lajm të mirë për Shqipërinë dhe Maqedoninë e Veriut.
Ai u shpreh që ndoshta javën e ardhshme mund të kemi një çelje teknike të negociatave.
“Nuk arritëm të hapnim negociatat për Shqipërinë dhe Maqedoninë.
Gjërat janë të ndërlikuara nga BE jo nga ju. Shqipëria Kosova Maqedonia kanë bërë shumë. pas vizitës këtu do të takohem me anëtarë të qeverisë për të gjetur zgjidhje e për të hedhur hapin e radhës, ndoshta edhe për një lajm të mirë javën tjetër. Mund të nisin negociatat teknike. Për të stabilizuar rajonin na duhet një Shqipëri e një Maqedoni e fortë.
Scholz ka një interes të madh për Ballkanin Perëndimor e quan pjesë të familjes europiane. Procesi i Berlinit është mesazh për vendet e Ballkanit që Shqipëria do ketë koordimin me 6 vendet. çdo ide për të lidhur 6 vendet është e mirë. në krye të bashkëpunimit është procesi i Berlinit. Ballkani i Hapur është vetëm një pjesë e Berlinit.
Këtë vit kancelari do zhvillojë një takim me udhëheqësit e Ballkanit Perëndimor. Duhet ti japi një shans Open Ballkan por është vetëm një element i saj.
Ndërsa mbi pyetjen në lidhje me situatën brenda Partisë Demokratike, nuk mund të komentoj gjithçka që ndodh në politikën e brendshme shqiptare. por pozicioni i qeverisë dhe i shumicës në Parlamentin shqiptar është i duhuri. Ju mbështetët plani për Ukrainën, sanksionet ndaj Rusisë, çdo vit po luftoni për hapat drejtë BE. 3 vite më parë duhet të kishit hedhur një hap për negociatat por u bllokuat nga Bullgaria. Shqipëria nuk ndali së punuari në këtë drejtim. qeveria dhe partitë shqiptare kanë mbështetje të plotë për agjendën europianë. Shqipëria meriton çeljen e negociatave.
Sa për ndarjen e proceseve për RMV dhe Shqipërinë nëse nuk miratohet propozimi francez. ne duam të shohim dy shtetet në të njëjtën kohë në këtë proces. RMV ka bërë kaq shumë për të hedhur këtë hap. ndryshuan emrin pa konflikt. ne e njohim mendësinë ballkanike në raport me çështjet e identitetit, gjuhës,… por ende RMV ka thënë duam të jemi pjesë e BE dhe bënë diçka që ishte e kushtueshme për të.
Franca ka bërë përpjekje për një kompromis. Fillimisht të promovojmë këtë zgjidhje dhe të bindim parlamentin e RMV se kjo është zgjidhja e duhur. e di që nuk është kaq e thjeshtë. është diçka personale për qytetarët maqedonas, por në këtë situatë të vështirë në të gjithë botën, gjëja më e mirë është që Shqipëria dhe RMV ta bëjnë këtë rrugë bashkë. na duhet të luftojmë për çdo zgjidhje të mundshme. nëse nuk është e mundur ndoshta pastaj mund të diskutohet për gjëra të tjera”, tha ai.
