Oligarku Bashkim Ulaj nuk di të ndalet në shkatërrimin e pasurive natyrore të Shqipërisë, me anë të kompanisë famëkeqe Gener 2, një nga përfitueset më të mëdha të fondeve publike, koncensioneve dhe lejeve.
-Lexo edhe:
Nuk gjen të ngopur Gjergj Luca, nis të skllavërojë edhe fëmijët në fabrikat e peshkut; Inspektorati i Punës “mbyll sytë”
E tradhton këpuca, por jo SPAK; Çiftja e Vetting-ut do shijojë pushimet si sheike… vendimi i ‘pafajësisë’ në Shtator
Pas betonizimit të Valbonës me leje të Sali Berishës, heshtjen e Edi Ramës dhe blerjen e drejtësisë, Bashkim Ulaj po shkatërron edhe Ranën e Hedhur një nga pasuritë natyrore më unikale kombëtare.
Rana e Hedhun po mbushet me shkëmbinj për shkak të punimeve për ndërtimin e rrugës ‘Shëngjin-Velipojë’, nga kompania Gener 2 e Bashkim Ulajt.
Për këtë aktivitet kriminal kundër mjedisit, është referuar një material në Prokurori për Gener 2 të Bashkim Ulajn. Por, Ulaj ka treguar se i blen lehtësisht gjyqtarët dhe prokurorët, madje edhe i degjeneron, siç detyroi gjyqtarin e Tropojës Sami Ujkashin që të hidhte poshtë vendimet e gjykatave më të larta për bllokimin e HEC-eve të Ulajt mbi Valbonë.
Prapaskena do të ndjekë dhe monitorojë se si Ulaj do të mbyllë edhe këtë dosje.
Ulaj ka blerë dhe korruptuar segmente të qeverisë, disa bashki ku kryen krime kundër mjedisit, prokurorë dhe gjyqtarë.
Ulaj i shpëtoi drejtësisë për skandalin me kompaninë mashtruese DH Albania, kaluar në emrin e një punonjësi të tij, ku në bashkëpunim me Damian Gjiknurin mori mbi 30 milionë euro me letra false, duke u paraqitur si degë e një kompanie amerikane.
Bashkim Ulaj futi në thes gjyqtarët e korruptuar për kullat tek diga e liqenit, për koncesionin korruptiv Thumanë-Kashar me kosto 1.5 miliardë euro në korrizin e shqiptarëve.
Bashkim Ulajt ka krijuar një skemë klienteliste me kryebashkiakë dhe drejtorë, duke marrë tendera me flamur korrupsioni me vlerë dhjetëra milionë euro.
Vetëm nga Dritan Leli i Vlorës, i cili u paraqit disa ditë më parë në SPAK, Bashkim Ulaj ka marrë tendera me vlerë mbi 22 miliardë lekë.
Ashtu siç kontrollontr DH Albanian, Bashkim Ulaj dyshohet se kontrollon një grup kompanish që marrin para publike. /Prapaskena
