Lojtari i Manchester United dhe Francës, Paul Pogba, ka reaguar për herë të parë ndaj kritikave që ka marrë. Futbollisti është një nga lojtarët më të kritikuar momentalisht. Në ndeshjen e fundit ë Francës kundër Italisë, Pogba u vërshëllye nga tifozët e tij. Klubi i Manchester United nuk e sheh më si të pashitshëm dhe duket se karriera e francezit është në zbritje. Në një intervistë për ”France Football”, futbollisti tregon hapur se çfarë mendon në lidhje që merr.
”Unë kam qenë gjithmonë kështu. Kur kam fituar, e kam bërë duke qenë kështu. Ju nuk do ta kritikoni Messin, kur nuk vrapon shumë në fushë. Nëse shënon tre gola, do të thoni: Ah, por ai po ecën në fushë? Jo. Nuk mund të më tregoni mua si të luaj.
Nëse jam këtu sot, është ashtu siç jam. Askush nuk më ka thënë se si duhet të sillem. Ky është futbolli im, kjo është e gjitha. Njerëzit mund ta pëlqejnë, ose jo. A kam nevojë për njerëz, që të më gjykojnë ndryshe? A po flasin më mirë për mua? Kjo nuk është në dorën time.
Unë nuk do të jetoj me atë që njerëzit mendojnë. Gjithkush ka mendimin e tij dhe e respektoj. Unë luaj futboll, bëj atë që më pëlqen. Të afërmit e mi më mbështesin, ato janë më të rëndësishmit.
Ne nuk mund të jemi të dashur për të gjithë. Kjo do të ishte përsosmëri, por asgjë nuk është e përsosur në këtë botë. Nuk do të ofendoj, nëse dikush më thotë: Nuk të dua. Kjo është e drejta e tij”, – përfundoi ai në lidhje me këtë çështje.
