Një ndër ithtaret më të forta të Ilir Metës, njëherësh zyrtare e LSI është sërish në detyrën e lartë si numri dy i doganave shqiptare, pavarësisht rotacionit të pushtetit dhe daljes së LSI në opozitë.
Mirela Meko e ka ndjekur Ilir Metën në të gjitha “udhëtimet” e tij politike që nga FRESSH, ku Presidenti ka qënë kryetar, në përplasjet me Fatos Nanon e deri tek themelimi i LSI.
Njëherësh Mirela Meko ka qënë zëri më i ashpër i Ilir Metës kundër Edi Ramës, ndërkohë që ka pasur gjithnjë detyra të larta të admninistratën shtetërore, si nën qeverisjen e PS në kohën e Nanos, si nën qeverisjen e PD-LSI nën qeverisjen e Berisha-Meta ashtu dhe nën qeverisjen e PS-LSI nën qeverisjen e Rama-Meta.
Por që nga 25 qershori i vitit 2017 Partia Socialiste dhe Edi Rama nën moton “tepsia për skrap”, bëhej fjalë për nxjerrjen në opozitë të LSI të Ilir Metës, mori në dorë e vetme qeverisjen e vendit.
Shqiptarët që i dhanë Edi Ramës 74 mandate socialiste dhe ca mandate të tjera po për PS në partitë e afërta me të, thjeshtë dhe vetëm për të larguar njerëzit e Metës nga administrata.
Pasi drejtorët e Metës, edhe nga Rama i përdor në fushatë, kishin abuzuar me pushtetin dhe shiheshin si e keqja e madhe për korrupsionin në këtë vend.
Megjithëse Edi Rama e mori tërë “timonin” qeverisës për vete, LSI vijon të jetë fuqishëm në pikat më nevralgjike dhe që kanë lekë në administratën e shtetit.
Sot po analizojnë një fenomen të rrallë të LSI, pikërisht Mirela Mekon, zv.Drejtoreshën aktuale të Përgjithshme të Dogana Shqiptare.
Gati për t’u shpallur “monument kulture” te kupola e Doganave Mirela Meko është “rubineti i lekëve” i lënë hapur nga ana e kryeministrit Edi Rama për mik-armikun e tij Ilir Meta.
Themi kështu, pasi duam apo nuk duam ne apo dhe nëse je qibar fare, Doganat në perceptimin shqiptar madje dhe të përbotshëm janë ato që sjellin lekë jo vetëm për shtetin, por dhe për kupolën drejtuese të këtij institucioni.
Mjafton njëherë të ngrihet “trau” i doganës për ndonjë grup maunesh me mallra të shtrenjta dhe luksi apo të ngrihet “trau” i doganës në ndonjë port të vendit, thjeshtë dhe vetëm për ndonjë anije, fitimi është miliona dollarë apo euro për kupolën e doganave dhe “dorovinë” deri lart.
Edi Rama e ka lënë numrin dy të doganave Mirela Meko, përfaqësuese dhe zyrtare e LSI që të çojë “pjesën” e Metës në kohë reale.
Dhe ky proces ndodh, paçka se tani Meta është kreu i shtetit dhe bashkëshorten Monika Kryemadhi që e ka lënë në krye të LSI, e ka në opozitë.
Pavarësisht deklaratave të forta të Monikës për rrëzimin e Ramës, deklaratat e Vasilit kundër kryeministrit “shkollëpak”, paratë venë e vijnë nga doganat përmes Mirela Mekos që e çon në destinacion pjesën për Ilir Metën, mik-armikun e Ramës.
Pasi nuk ka se si të shpjegohet ndryshe fakti që ndonëse në nëntor 2015 Rama e shkarkoi me ceremoni Mirela Mekon nga zv.drejtore e Doganave, por për 24 orë e riktheu sërish në detyrë thjeshtë e vetëm se ishte zyrtarja më e afërt e Ilir Metës.
Nuk ka si shpjegohet fakti që Edi Rama thuajse të gjithë drejtuesit e lartë të administratës, përfaqësues të LSI i lëvizi apo i shkarkoi, vetëm zv.drejtoren e Përgjithshme të Doganave shqiptare Mirela Mekon e la në detyrë.
Madje e ka fuqizuar akoma më shumë, duke i dhënë gati tërë kompetencat që kanë doganat shqiptare, dhe treguar njëherësh se me paratë e shtetit Rama vijon të mbajë aleancën me Metën.
“Rubineti” i parave nga ana e Edi Ramës për Ilir Metën vijon përmes Mirela Mekos numrit dy tek Doganat, pa përmendur paratë e rrugëve apo sponsorizime të tjera para dhe pas zgjedhjeve./Pamfleti
