Ndeshja mes Empolit dhe Milanit ka dhuruar emocione të forta deri në sekondat e fundit të saj. Kuqezinjtë fituar me shifrat 1-3, ku tre prej golave të takimit janë shënuar në kohën shtesë. Ante Rebiç zhbllokoi rezultatin në minutën e 79, ndërsa në të 92-tën toskanët barazojnë rezultatin.
Ishte një gol spektakolar ai që ktheu baraspeshën dhe mban firmën e Nedim Bajramit. Mesfushori shqiptar nuk ndezi në Kombëtare, por shënon një super gol nga goditja e dënimit kundër Milanit.
Fatkeqësisht goli i tij nuk përkthehet në pikë për Empolin, pasi kuqezinjtë e Piolit tundin rrjetën edhe dy herë të tjera. Fillimisht Ballo-Toure në minutën e 94-t dhe më pas Leao në të 97-n shënojnë për Milanin dhe i japin skuadrës fitoren mbrëmjen e sotme.
Bukuria e golit padyshim që e shton edhe më shumë gëzimin në fytyrën e mesfushorit shqiptar. 23-vjeçari hyri në fushë si zëvendësues, por në minutën e 92-të i shënon një gol të mrekullueshëm Milanit nga goditja e dënimit.
Perla e Bajramit mahnit edhe faqen zyrtare të Serisë A, që reagon me një postim në “Tëitter“. “Mamma mia, Nedim Bajrami“, shkruhej në faqen zyrtare “Lega Serie A“, që gjithashtu ka vendosur edhe imazhin e një peneli, si për të treguar se lojtari i Kombëtares shqiptare e pikturoi golin e tij.
https://twitter.com/i/status/1576311258487590913
