Në shkurt të këtij viti, me urdhër të Prokurorisë së Sarandës, policia prangosi shefen e IKMT Sarandë, Romina Pulaj, për bashkëpunim me mafien e ndërtimit, duke lejuar ndërtimet pa leje. Pulaj bëri 7 muaj burg, duke kaluar më pas në arrest shtëpie.
Kur policia arrestoi shefe Rominën në shkurt 2022, atë e gjeti në shtrat me vartësin Martin Arapi, i cili ia mbathi me brekë në krahë, në errësirë. Përveç shtratit, Romina dhe Arapi ndanin edhe pazaret me kartelet e ndërtimit. Arapi u shpall në kërkim, por policia nuk e arreston për shkak se ka babanë pjesë të policisë.
Deri në vitin 2019, Romina Pulaj ishte një juriste e panjohur në zonën e Sarandës. Por, nuk ishte aq e panjohur për ish deputetin Alket Hyseni. Madje, në rrethet e pushtetit në Sarandë ajo thirrej edhe si ‘Romina e Alketit’.
Nuk dihet me saktësi se çfarë raporti ka pasur Romina Aliaj me deputetin Hyseni, por ajo, nga vajzë e panjohur, u emëruar drejtore e Hipotekës kur ishte vetëm 28 vjeçe.
Pas këtij posti, po me dorën e Alket Hysenit, Romina Pulaj u emërua drejtoreshë e Inspektoratit të Mbrojtjes së Territorit në Sarandë.
Këtu nisi të njihej edhe me botën e milionave dhe pushtetin e madh të parasë së pisët, falë bashkëpunimit të kartelin e ndërtimit në Sarandë, duke lejuar ndërtime abuzive.
Ky është edhe momenti kur Pulaj i ktheu shpinën ‘ujkut të vjetër’ Alket Hyseni i akuzuar për rrëmbim pronash, ndërsa nisi edhe një romancë me vartësin e saj Martin Arapin.
Por, edhe Arapi tashmë rezulton vetëm një zar i Rominës, e cila thjeshtë duket se e ka përdorur në lidhje me korrupsionin me ndërtimet.
Romina Pulaj rezulton se kishte ‘futur në thes’ edhe kryebashkiakun e Sarandës Ardian Gurma.
Në momentin e arrestimit, shtetases Romina Pulaj i është sekuestruar telefoni nga oficerët e policisë Gjyqësore, ku nga kqyrja e tij ka dalë në pah një lidhje kompromentuese e saj me titullarin e Bashkisë Sarandë.
Sipas burimeve, Romina dhe Gurma shkëmbenin mesazhe jashtë kuadrit të punës dhe me natyrë erotike. Mesazhet e gjetura dhe të rikuperuara në telefon, tregojnë për një lidhje mes kryebashkiakut Gurma dhe Romina Pulaj.
Nuk dihet nëse mesazhet erotike mes shefes së IKMT dhe kryebashkiakut do të bëhen pjesë e dosjes hetimore apo do të konsiderohen si të padobishme për të shpëtuar fytyrën e Gurmës.
