90 mijë metër katrorë pronë publike në Gjirin e Lalzit, një nga zonat më të lakmuara të bregdetit shqiptar do të jepen për një ‘investitor strategjik’ për 30 vite.
Ky është vendimi i marrë nga Këshilli i Investimeve Strategjike. Kompania që ka përfituar pronën shtetërore, ku do të shpyllëzohen rreth 28 hektarë nga brezi i gjelbërt i bregdetit nuk është e panjohur.
‘Omnix Albania’ ka fituar statusin e investitorit strategjik dhe ka marrë dritën jeshile për të ndërtuar hotel me pesë yje, pishina, komplekse dhe rezidenca në këtë zonë për vetëm 1 euro.
Por, kush qëndron pas ‘Omnix Albania’? Në 2016-n, kompaninë e përfaqësonte investitori amerikano-libanez, Faad Mitri. Ai kishte premtuar një investim 450 milionë eurosh në këtë zonë për të njëjtin truall.
Por, kush qëndron pas ‘Omnix Albania’? Në 2016-n, kompaninë e përfaqësonte investitori amerikano-libanez, Faad Mitri. Ai kishte premtuar një investim 450 milionë eurosh në këtë zonë për të njëjtin truall.
Por, kush qëndron pas ‘Omnix Albania’? Në 2016-n, kompaninë e përfaqësonte investitori amerikano-libanez, Faad Mitri. Ai kishte premtuar një investim 450 milionë eurosh në këtë zonë për të njëjtin truall.
Në këtë vit, ai u rrah barbarisht nga një grup personash në rrugën e Rinasit. Autorësia nuk u zbulua kurrë, por dyshohet se mes personave ishte edhe Aleksandër Laho, njohur si Rrumi i Shijakut.
Faadi Mitri u largua me këmbë të thyera dhe hematoma të tjera të rënda në trup, duke deklaruar tërheqjen nga investimi.
Mitri iku, por ideja për të grabitur pronën publike është ringjallur përmes vendimit të Komitetit të Investimeve Strategjike, të marrë që në korrik të këtij viti, por të bërë publik vetëm tani.
Në vendimin e marrë më 28 korrik të këtij viti, kompania merr statusin e investitorit strategjik me premtimin për të investuar 216 milionë euro. Gjithashtu, në vendim thuhet se për realizimin do të zbatohet leja e ndërtimit të marrë nga Këshilli Kombëtar i Territorit që në vitin 2016 dhe vendimeve të tjera të Qeverisë të po të njëjtit viti.
Kompania aktualisht zotërohet nga tre kompani. Matrix Konstruksion në pronësi të Arian Leskajt, Klar në pronësi të Shkëlqim Beshirit, RDA Petrol në pronësi të Fation Veizaj e Kujtim Lale dhe libanezi Jamal Abdulsalam M Abuiss. (Voxnews)
Mafia e pronave nxjerrë kokën
Mëngjesin 9 shtatorit të vitit 2011, vitet gjyqtari i ri i Vlorës Skerdilajd Konomi. Skena ishte më shumë se e tmerrshme. Ishte e qartë se bëhej fjalë për atentat me tritol.
Referuar dosjes, i pari person i dyshuar i vendosur nën survejim ishte Edison Harizaj, i forti i Vlorës i njohur me nofkën “faqedjeguri”, i ekzekutuar në një atentat në Durrës në vitin 2018.
“Gjyqtari vlonjat u vu në shënjestër menjëherë pasi fitoi procesin në Gjykatën e Lartë, ku i njihej pronësia e 3500 hektarëve në një nga plazhet më të bukura dhe me të virgjëra të bregdetit shqiptar. Me 14 qershor 2011 Gjykata e Lartë me votim 4 me 1 dha vendimin në favor të trashëgimtarëve të përfaqësuar nga Skerdilajd Konomi. Për gjatë gjithë verës Konomi kërkoi zbardhjen e vendimit, por iu tha se gjyqtaret ishin me pushime dhe sapo të ktheheshin në shtator, do ti jepnin në dorë vendimin, me të cilin ai do paraqitej në hipotekë për të marrë certifikatën e pronësisë. Sapo gjyqtarët u kthyen nga leja në fillim të shtatorit Konomi kërkoi vendimin e zbardhur. Por ai nuk pati fati ta shihte kurrë këtë vendim”, ka deklaruar gazetari Artan Hoxha.
Në skenë Arjan Ndoja
Prokurori i shkarkuar si i korruptuar Arjan Ndoja ishte objektiv i një atentati në fillim të muajit nëntor të 2019 tek rrethrrotullimi i Shkozeti, ku në makinë ishte pikërisht me Lahon.
Ndoja ishte në makinë me Aleksandër Lahon, i njohur ndryshe edhe si Landi Muharremi, ‘i forti i Sukthit’, por edhe si ‘Rrumi’.
Nga atentati mbetën të plagosur prokurori Arjan Ndoja dhe Aleksandër Laho, ndërsa humbi jetën shoferi Andi Maloku. Në makinën e prokurorit çuditërisht u gjet dosja e gjyqtarit Skerdilajd Konomi, i vrarë në një atentat mafioz në Vlorë si dhe disa dokumente të vjedhura.
Libanezit i blejnë kompaninë
Në 2016 u rrah barbarisht libanezi Mitri nga mafia e tokave në Shqipëri.
Në korrik të vitin 2021 deri në gusht 2022, hynjnë në lojë Shkëlqim Beshiri duke blerë 35 % të aksioneve, Arjan Leskaj duke blerë 20 % të aksioneve dhe Fation Veizaj 15 % të aksioneve, pra duke marrë 70 % të aksioneve.
Shkëlqim Beshiri, i njohur edhe për tregtinë e kafesë “Segafredo” dhe që zotërohet në 50 % të aksioneve prej tij dhe 50 % nga i vëllai Ardian Beshiri, njihet si klient i ish kryeprokurorit Adriatik Llalla, i shpallur në listën e zezë nga SHBA, i dënuar me 2 vite burg dhe sot në arrati.
Llalla ishte pronar i një sipërfaqeje toke në zonën e Mjull-Bathore, të blerë në vitin 2007 me vlerë rreth 2 milionë lekë. Rreth 10 vjet më pas, ai ia shet këtë sipërfaqe toke kompanisë “Lim-Em”, të Beshirit, për vlerën e 249 mijë eurove.
Diferenca mes çmimit të blerjes në vitin 2007 dhe shitjes në vitin 2016, pavarësisht se mes dy veprimeve qëndron një distancë kohore 10-vjeçare, u konsiderua e dyshimtë nga prokuroria, e cila në Mars 2018 nisi hetimet ndaj Adriatik Llallës, tre muaj pasi ai ishte larguar nga detyra.
Për të zbuluar më shumë të dhëna, prokuroria e Durrësit, e drejtuar në atë kohë nga Donika Prela, urdhëroi vendosjen nën përgjim të Llallës dhe një prej vëllezërve Beshiri.
Pak javë pas realizimit të përgjimeve, konkretisht në Qershor 2018, Donika Prela një apartament me vlerë 110 mijë euro në një godinë të ndërtuar nga shoqëria “Lim-Em” e Beshirit.
Ka dyshime që Beshiri, pasi kishte pastruar para me Llallën, bleu edhe Donika Prelën, duke i dhënë një apartament, edhe pse formalisht me para.
Donika Prela u shkarkua nga KPA si e korruptuar, ndërsa Adriatik Llalla u dënuar dhe u fundos nga SHBA.
Shkëlqim Beshiri u shpall investitor strategjik, bazuar në ligjin mafioz, duke marrë dhjetëra mijëra katrorë tokë publike falas në Gjirin e Lalzit.
Pra kemi të bëjmë me një personazh që korrupton kush t’i dalë para në rrugën e pasurimit.
Beshiri duket se nuk e ka pasur të vështirë të gjejë sekserin për Edi Ramën, për ta shpallur investitor strategjik. Kështu bregdeti shqiptar po pushtohet gradualisht me ligj nga një pakicë e korruptuar dhe e lidhur me krimin.
Fatjon Veizaj, deputet i Partisë Demokratike në Vlorë, është përfituesi tjetër i 90 mijë m2 tokë në Gjirin e Lalzit me 1 euro. Me futjen në lojë të Veizajt, edhe opozita e ka mbyllur gojën.
Partia Demokratike deklaroi se do t’i kërkonte Gjykatës Kushtetuese që t’i hiqte mandatin deputetes Olta Xhaçka, meqenëse Rama shpalli bashkëshortin e saj, Artan Gaçin investitor strategjik. Por, PD-ja u tërhoq. Tani kuptohet qartë se pse është tërhequr, pasi Rama ka shpallyr edhe deputetin e PD-së investitor strategjik.
