Presidenti i Turqisë Rexhep Tajjip Erdogan ka paralajmëruar kryeministrin austriak se mbyllja e xhamive mund të sjellë një luftë fetare jo vetëm në vend por në të gjithë Europën.
“Ky vendim i kancelarit austriak kam frikë se do të sjellë një përplasje ndërmjet kryqtarëve dhe gjysmëhënës”, ka deklaruar Erdogan gjatë një fjalimi në Stamboll.
Presidenti turk shtoi se do të ketë një përgjigje të shpejtë ndaj vendimit politik që ka marrë kancelari austriak Sebastian Kurtz që ka mbyllur 7 xhami në Austri dhe ka larguar disa imamë që financoheshin nga shoqata bamirëse nga Turqia.
“Ata thonë që ne duan të largojnë klerikët tanë. Besoni ju se ne nuk do të reagojmë pas kësaj? Pritni vetëm pak”, tha Erdogan, i cili e akuzoi kancelarin austriak si islamofob, populist, diskriminues dhe ksenofob. Në Austri jetojnë 360 mijë persona me origjinë turke, nga këta më shumë se 117 mijë kanë nënshtetësi turke./Pamfleti
