Juristi i njohur, Ardian Dvorani, i cili gëzon simpatinë e amerikanëve dhe është shpallur “Kalorës i Anti-Korrupsionit” nga Departamenti Amerikan i Shtetit, ai nuk arrti dot të zgjidhej anëtar i Gjykatës Kushtuese, për shkak se seanca e fundit parlamentare për këtë viti, rezultoi fatale për të.
Edhe pse kryetari i grupit parlamentar të Partisë Socialiste, Taulant Balla, u kërkoi deputetëve opozitarë që “të lajnë gojën mirë, para se të përmendin emrin e Ardian Dvoranit”, referuar sulmeve të ashpra që u lëshuan ligjvënësit e Berishës dhe madje edhe ky i fundit nga foltorja e Kuvendit kundrjet juristit, kandidatura e ish-kreut të Këshillit të Emërimeve në Drejtësi u pa si potenciale për të plotësuar një vend vakant në Kushtetuese.
Por kjo “armiqësi” mes socialistëve dhe demokratëve, duket se ka qenë fasadë, pasi nuk ka asnjë dyshim që Edi Rama dhe Sali Berisha janë bashkë. Rama dhe Berisha në publik shahen me rob shtëpie e çfarë nuk i thonë njëri-tjetrit, mirëpo kur vjen puna tek cenimi i interesave, ata bëhen bashkë, madje edhe kundër amerikanëve. Rasti më flagrant është votimi kundër kandidaturës së Dvoranit për anëtar të Gjykatës Kushtetuese.
Përtej akuzave të ardhura nga opozita, e cila me tone të ashpra tha se Edi Rama do Ardian Dvoranin, shumica nga mazhoranca votoi kandidaturën e Mariana Seminit, më konkretisht 58 vota për Seminin, 14 për Ardian Dvoranin dhe 2 për Arta Vorpsin.
Prapaskenat
Por kjo do të thotë se akuzat e dy palëve të PD, asaj të Sali Berishës si dhe Enkelejd Alibeajt se kjo qeveri po tenton të kap drejtësinë me anë të Dvoranit, jovetëm që u hodhën poshtë nga socialistët, por këtë i legjitimuan ato, nisur nga fakti që votuan kundër Dvoranit. Pra, Berisha dhe Rama i kapërdinë të gjitha sharjet dhe në fund bashkuan votat, duke rrëzuar njeriun e SHBA.
Mirëpo, mësohet se ky vendim i mazhorancës për të dalë kundër amerikanëve, përveçse është një qokë për Berishën, është edhe një hakmarrje për ambasadoren e Shteteve të Bashkuara të Amerikës, Yuri Kim, e cila falë guximit dhe vendosmërisë nuk e lejoi kryeministrin Edi Rama që të kapte Strukturën e Posaçme Kundër Krimit të Organizuar dhe Korrupsionit përmes një prokurori “kukull” të tij.
Pra, pavarësisht se Rama uroi kreun e ri të SPAK, Altin Dumani, ai në momentin më të parë “u nguli thikën amerikanëve”, duke u bërë palë me “non gratën” Sali Berisha dhe votuar kundër njeriut të tyre, nisur nga fakti që Dvorani është mbështetet fuqishëm nga Uashingtoni. Thënë troç, me këtë vendim që ka marrë Rama, teksa bashkon votat me Berishën, tregon qartë se raportet e tij me SHBA-të janë krisur.
Kujtojë se Rama, pasi cilësoi raportin e DASH “flet Bakalli”, ka pasur edhe fërkime me ambasadoren Kim, të cilën e krahasoi me Sekretaret e Partisë së Punës dhe madje i kërkoi të mos fuste hundët në punët e brendshme të Shqipërisë. Kështu që nisur nga këto zhvillime, një gjë është e siguritë, që ish-kryeministri Sali Berisha dhe shefi i qeverisë shqiptare, Edi Rama janë bashkë, madje për interesat e tyre janë gati t’i shpallin edhe luftë amerikanëve, skundër e dëshmuan me votën kundër juristit të spikatur, Ardian Dvorani.
Opozita akuza Dvoranit
Megjithatë, përpara se Partia Socialiste e drejtuar nga Edi Rama të bashkonte votat me grupimin ilegal të “Foltores” që drejtohet nga ish-kryeministri Sali Berisha, kundër Ardian Dvoranit, ky i fundit u sulmua egërsisht nga deputetët opozitarë. Prerë dhe qartë Berisha u ka bërë thirrje deputetëve që të mos e votojnë Ardian Dvoranin si gjyqtar për në Kushtetuese në seancën plenare.
Sipas Berishës, Dvorani e ka vendin në burg, pasi është njeriu që shkel çdo ligj. Por me sa duket këto akuza dhe sulme joshën Ramën, që pavarësisht se u përpoq ta merrte në mbrojte Dvoranin, ai e rrëzoi si kandidaturë. Socialistët i dhënë Dvoranit vetëm 14 vota dhe 58 ja dhanë anëtares më të re të Kushtetuese, Mariana Seminit. Madje, Rama e mbroeti votën kur theksoi se socialistët nuk kanë një vendim të unifikuar se kujt do i japin votën për anëtar të Gjykatës Kushtetuese, por secili deputet i PS ka të drejtën të votojë lirisht.
Mirëpo, nëse ecim me logjikë dhe marrin të mirëqenë mbrojtjen që mazhoranca i bëri juristit Dvorani, si dhe në kushtet kur emërimi i anëtarët kushtetuese kërkonte 84 vota, socialistët mund të votoni kundër zonjës Semini. Por, kjo gjë nuk ndodhi dhe Rama u bë palë me Berishën, e shpallur tashmë “non grata” nga Shtetet e Bashkuara të Amerikës dhe Britania e Madhe, e që akuzohet se është përfshirë në afera korruptive dhe kriminale./Rigels Seliman
