Video që trondit Amerikën u publikua mbrëmjen e djeshme pak pas orës 19:00 nga policia e Memphisit dhe u rinis menjëherë në televizionin amerikan all-news.
Videoja – në realitet janë katër video të marra nga kamera e agjentëve dhe nga një kamerë fikse ajrore – dokumenton arrestimin, përleshjen, arratisjen dhe më në fund kapjen dhe rrahjen, të oficerëve të policisë Memphis, në Tennessee kanë ushtruar kundrejt djalit 29 vjeçar me ngjyrë, Tyre Nichols.
Episodi ka ndodhur në orën 20:30 të datës 7 janar. Djali vdiq tre ditë më vonë në spital. Pesë policë, gjithashtu afrikano-amerikanë, të përfshirë në rrahje u pushuan menjëherë nga policia, të enjten ata u paditën për vrasje të shkallës së dytë, sulm dhe rrëmbim të rëndë.
Katër prej tyre janë liruar me kusht. Ata janë të gjithë pjesë e një njësie të quajtur Scorpion (Operacioni i krimeve në rrugë për të rivendosur paqen në lagjet tona) i krijuar në vitin 2021. Shpesh ka pasur thirrje për shpërbërjen e tij.
Një duzinë qytete amerikane kanë mobilizuar të gjitha forcat policore për protestat pas shpërndarjes së videos, si në vitin 1992 në Los Anxhelos pas vrasjes së Rodney King.
Në qytetin e Tenesit, protestuesit bllokuan urën Ndërshtetërore 55 që kalon lumin Misisipi dhe të çon në Arkansas.
Në Uashington, dhjetëra protestues janë mbledhur në Lafayette Park, pranë Black Lives Matter Plaza, dhe në K Street, ndërsa në Boston ata kanë marshuar përgjatë rrugës Tremont, duke krijuar probleme për trafikun e qytetit.
NBC raporton gjithashtu protesta në Sacramento, San Francisko, Atlanta, Asheville, Filadelfia, Providence dhe Dallas.
Autoritetet, Shtëpia e Bardhë dhe madje edhe nëna e Tires u kanë bërë thirrje qytetarëve të protestojnë në mënyrë paqësore.
Katër videot shënojnë fazat.
Në të parën shohim arrestimin e të riut. Shkak është dhënia e makines në mënyreë të rrezikshme, por nuk dihet se çfarë e ka shkaktuar sherrin dhe reagimin e policëve.
I riu bërtet “mami, mami, mami” dhe me ankth në zë e pyet se çfarë po ndodh “dreqin nuk bëra gjë, po shkoj në shtëpi”, ndërsa agjentët e urdhërojnë “të qëndrojë poshtë”.
Këtu spërkatet spray me djegës. Ai përfundon në sytë e një agjenti.
Kalojnë minuta të gjata në të cilat policët shihen duke hedhur ujë në sy.
Tyre arrin të lirohet dhe ikën.
Në segmentin e dytë është gjuetia ndaj djalit dhe më pas arrestimi.
Pjesa e tretë është kryesisht e errët, kamera është e prishur, dëgjohen disa zëra.
Gjithsesi, videoja së cilës i referohet FBI dhe policia lokale ditët e fundit është ajo e fundit. Ajo në të cilën sipas fjalëve të avokatit të familjes, Ben Crump, tyre është rrahur dhunshëm. “Ata e goditën atë si një top futbolli,” vuri në dukje bashkëshorti i nënës, Rodney Wells.
Shqelma, grushta, një shkop metalik.
Kamera varet nga një shtyllë ndriçimi dhe tregon dëshmitë më të forta.
I sheh policët duke pirë duhan sikur gjithçka të ishte e qetë, nuk janë vetëm pesë të paditurit, por janë të paktën një duzinë.
Ambulanca me dy mjekë ndihmës – të pezulluar dhe ata gjithashtu janë nën hetim, jo njësoj si pesë policët – mbërrin 22 minuta më vonë.
Tyre është i mbledhur dhe i mbështetur në një makine dhe ata i bërtasin: “Ulu, bir kurve”.
Askush nuk e ndihmon atë. Dhe vetëm pas gjysmë ore Tyre arrin të flasë, duke thënë se nuk merr dot frymë.
Pjesa tjetër vjen nga të dhënat dhe raportet mjekësore.
Në orën 4 të mëngjesit mjeku telefonon nënën e tij, e pyet pse nuk ndodhej aty. Por gruaja, Row Vaughn Wells, ishte penguar të hynte pak më parë nga policia për shkak se Tyre është “nën arrest”.
Kur ajo mbërrin në spital natën vonë, “Tyre nuk është më me ne,” tha mjeku.
Më 10 janar, ai vdiq nga një hemorragji, ndoshta si pasojë e rrahjes.
Imazhet shkuan në të gjithë vendin, vajza e Rodney King tha se ishte “e hidhëruar”.
Kryebashkiakët e qyteteve kishin mbajtur një takim urgjent me zyrtarë të Shtëpisë së Bardhë në pasdite.
