Shqiptarët votuan në 14 maj 2023 fundin politik të dy pengmarrësve të opozitarizimit, Sali Berishës dhe Ilir Metës. Ky i fundit mësohet se po e përjeton keq emocionalisht disfatën katastrofike, ndërsa përmes një postimi në rrjetet sociale pretendon se zgjedhjet janë blerë.
Një burim pranë tij tha për Prapaskenën se Ilir Meta është mbyllur në vilat e tij, sa tek Kodra e Diellit sa në Gjirin e Lalzit, që natën e 14 majit, doli rezultati për Kamzën, Elbasanin dhe Vorën.
Sipas këtij burimi, Meta është në gjendje të rënduar emocionale, qëndron me peshqir të lagur në ballë dhe i mbuluar, ndërsa në këto momente të vështira po e asiston vetëm Petrit Vasili.
Meta besohet se ka hedhur dhjetëra milionë euro në këto zgjedhje, para të cilat nuk janë reflektuar në rezultat.
Kreu i Partisë së Lirisë pati deklaruar se do të bënte trepikësh në trekëndëshin Tiranë, Durrës dhe Elbasan, dhe se do të festonte në datën 14 maj.
Ndërkaq, Monika Kryemadhi është arratisur me të besuarën e saj, Elona Guri, në drejtim të paditur, me shumë gjasa jashtë vendit.
Elona Guri, e konsideruar si bankomati i çifti Meta-Kryemadhi, jo vetëm nuk u bë dot deputete kur kryesoi listën në Durrës në 2021, por nuk arriti të bëhet as anëtare e Këshillit Bashkiak të Tiranës, në zgjedhjet e 14 majit 2023.
Pavarësisht messzhit të përsëritur nga shqiptarët, Ilir Meta dhe Monika Kryemadhi duket nuk do të tërhiqen nga politika.
Çifti duket se po mendon për një alibi të re për humbjen, për të vijuar avazin, si e vetmja formë për të ruajtur pasuritë e paligjshme dhe për t’u mbrojtur nga veprimi i drejtësisë.
Ndërsa zgjedhjet mbaruan, nuk kuptohet se pse dy prokurorët e SPAK-ut, Arben Kraja dhe Sotir Kllapi, nuk marrin një vendim për dosjen penale të Ilir Metës dhe Monika Kryemadhit, për shërbimet estetike me para të pista në San Marino dhe Austri, si dhe për lobimin me para të pista në SHBA, para këto të padeklaruara.
Nga SHBA-ja, Vjena, Qipro dhe San Marino kanë ardhur përgjigjet për letërporositë.
Nëse përgjigjet nuk i konfirmojnë shpenzimet, çështja pushohet. Nëse përgjigjet, konfirmojnë shpenzimet, Ilir Meta dhe Monika Kryemadhi duhet të merren të pandehur, në bazë të provave dhe në zbatim të ligjit penal.
Çështja është në duart e Arben Krajës dhe Sotir Kllapit.
Pse këta dy prokurorë po e zvarrisin dosjen e Ilir Metës dhd Monika Kryemadhit?
A po fshehin provat siç bëri Klodian Braho me Arben Ahmetajn?
Pse Arben Kraja dhe Sotir Kllapi nuk zbatojnë ligjin për Ilir Metën?
A po operohet me dy standarde?
A po shantazhohen nga Ilir Meta dhe nëse po, pse nuk e denoncojnë?
