Opozita anti-amerikane e udhëhequr nga koalicionin “Bashkë Fitojmë” me në krye Sali Berishën, i rikthyer në dhjetor të vitit 2021, ka pësuar në zgjedhjet lokale të 14 majit 2023, disfatën më të thellë që nga themelimi i Partisë Demokratike, duke tejkaluar edhe humbjen pas trazirave të marsit 1997.
Humbja merr një dimension tjetër në kushtet kur pjesë e koalicionit ishte edhe Partia e Lirisë së Ilir Metës, ku edhe ku rezultat duhet të ndahet mes Foltores dhe PL-së, duke e bërë disfatën edhe më katastrofike. Në këto zgjedhje, Sali Berisha, me në krah Ilir Metën, humbi të gjithë Veriun, duke lëshuar bastionet historike si Shkodrën dhe Tropojën, ndërsa po aq therëse ishte humbja në Kamës, tre bashki që PD-ja nuk e ka diskutuar fitoren kur drejtohej nga Lulzim Basha.
Por kjo disfatë vijon të injorohet me forcë nga Berisha, i cili çdo ditë që kalon dhe në kushtet kur janë shtuar zërat nga radhët e demokratëve që kërkojnë largimin e tij, ai pa iu skuqur fare faqja, ka nisur të krijo alibitë për të qëndruar në krye të bandës së tij politike, ku blerja e votës nga Partia Socialiste, përfshirja e krimit, intimidimi i votuesve demokratë, mungesa e komisionerëve dhe vëzhguesve të koalicionit “BF”, apo edhe lënia jashtë zgjedhjeve të shumë qytetarëve, sipas tij, i sollën humbjen dërrmuese atij dhe Metës.
Berisha del çdo ditë në konferencë për shtyp dhe teksa pyetet nga gazetarët a mban përgjegjësi për humbjen, sulmon si “histerik” Partinë Demorkatike zyrtare, lidership i të së cilës e bën fajtor për humbjen që ai dhe ortaku i tij, Ilir Meta korrën më 14 maj. Madje ish-kryeministri Berisha jo vetëm që refuzon të dorëhiqet, por premton se do qëndrojë në krye të fraksionet anti-amerikan, duke paralajmëruar kështu qëndresë ndaj SHBA për “ekzekutimin” e tij politik.
Pra, Berisha bën të fortën përballë demokratëve që nuk e duan më, qytetarëve që e shkundur me votë, por edhe aleatit tonë strategjik Shteteve të Bashkuara të Amerikës, të cilët e kanë shpallur “non grata” dhe shprehen se ai tashmë i përket të shkuarës si një politikan i korruptuar.
Berisha: Rama gërshetoi narkoshtetin me stilin e Putinit
Por ndërsa çdo ditë nxjerr alibira, dje Berisha ka hedhur edhe hipoteza të tjera. Ai doli dje një konferencë për mediat, ndërsa foli edhe njëherë tjetër për zgjedhjet lokale të 14 majit. Ish-kryeministri Sali ngriti akuza ndaj Edi Ramës për manipulime. Berisha u shpreh se Rama gërshetoi stilin e narkoshtetit me atë të Vladimir Putinit. “Farsa elektorale maj 2023 dallon nga të gjitha farsat e zhvilluara nga Edi Rama, si në proporcione, ashtu dhe në cilësi.
Dallon në proporcione sepse blerja e votash nuk u shfaq për herë të parë në vitin 2023, ajo është denoncuar edhe më herët, por në këtë farsë, si kurrë më parë, ndërhyrja ishte e atyre përmasave të tmerrshme saqë rrëzoi euron, monedhën më të fuqishme të Europës, në nivele që ajo nuk i kishte përjetuar kurrë më parë. U gërshetuan dy stile, stilin e narkoshtetit me stilin Putin, i cili parakupton përdorimin e të gjitha mjeteve të tjera të shtetit për kontrollin e votës së lirë të qytetarëve dhe ndryshimin e rezultateve”, deklaroi ai.
Kreu i “Foltores”: 180 mijë qytetarë nuk u lejuan të votojnë
Më tej, ai akuzoi se janë ndryshuar qendrat e votimit për 1,3 milionë shqiptarë. “Në dallim nga zgjedhjet e mëparshme, në këto zgjedhje u rikthye me të gjithë pasojat dhe shëmtinë e tij, loja me listat e votimit. Përjashtimi i zgjedhësve nga qendrat e votimit, nëpërmjet listave të votimit. PD e denoncoi publikisht aktin kriminal elektoral të Edi Ramës dhe ministrit të familjes së tij Çuçi, të gjithë ndryshuan qendrat e votimit me dokumente zyrtare të 1.3 milion zgjedhësve.
PD e denoncoi këtë akt si një përpjekje brutale për t’u mohuar të drejtën e votës sipas bindjeve politike qytetarëve shqiptarë. Dita e votimit ishte ditë e përjashtimit të më së paku mbi 200 mijë zgjedhësve shqiptarë. Emrat e tyre në listat për të votuar, ishin transferuar në qytete të tjera, në zona të tjera. Pa asnjë paralajmërim dhe në kundërshtim me çdo ligj të vendit. Vetë KQZ pohon se për këtë shkak nuk votuan ditën e votimit 180 mijë shqiptarë, të zgjedhur me garanci të plota në bazën e kriterit të bindjeve politike”, nënvizoi Berisha. /Rigels Seliman
