Siç u tha dhe më herët, Beleri u transferua nga paraburgimi i Vlorës në paraburgimin e 313 në Tiranë, ndërsa ai mbrohet nga avokatët, Edmond Dema dhe Geni Gjyzari.
Beleri u arrestua dy ditë para zgjedhjeve të 14 majit me akuzën për korrupsion zgjedhor. Miku i Blerit, Pandeli Kokoveshi, i cili u arrestua bashkë me të është ende i shtruar në QSUT për shkak të problemeve me zemrën.
GJKKO ka dhënë sot masën ‘arrest në burg’ për kandidatin fitues të koalicionit “Bashkë Fitojmë” për Bashkinë e Himarës.
Gjatë një komunikimi për mediat, avokati i tij ka thënë se nesër do të ushtrojnë të drejtën e ankimimit.
“Ne pretendojmë që nuk ka dyshim të arsyeshëm dhe nuk duhet të vendoset masë sigurimi për të dy. Nuk paraqitën asnjë provë, por lexuan atë që paraqitën prokuroria e Vlorës, në paraqitëm prova shëndetësore.
Policisë ia ka dhënë po ky i infiltruari, por në dosjen e policisë dhe prokurorisë nuk gjendet kjo listë. Ta marrin ta ripyesin këtë person sepse i arrestuari pretendon se nuk i ka dhënë asnjë gjë”, ka deklaruar avokati.
Gjithashtu avokati ka theksuar se Pandeli Kokoveshi, ndodhet në gjendje të rëndë shëndetësore dhe kanë kërkuar masë më të lehtë ndaj tij, pasi edhe për këtë të fundit është dhënë masa ‘arrest në burg’.
