Avokat njohur, Spartak Ngjela ka komentuar situatën politike në vend, ndërsa ka shpërthyer në akuza të forta në adresë të ish-kryeministrit Sali Berisha, për të cilin madje ka bërë edhe një parashikim të bujshëm.
Teksa ishte duke folur në një studio televizive këtë fundjavë, avokat Ngjela u shpreh se ish-kryeministri Berisha ka deviacioni psiqik, ndërsa tregoi se çfarë e pret atë pas 2 muajsh dhe kush është makthi më i madh i tij, që siç thotë ai, po e lë pa gjumë kryefoltorisitin. “Në dorë e ka Saliu, do tërhiqet?
PD është parti e djathtë dhe të jesh i djathtë do të thotë të jesh nën influencën e SHBA, Saliu ka shpresë se mos shpëton ‘Non Gratën’. Saliu nuk tërhiqet se ka frikën e ‘Non-Gratës’. Po këta që janë me Saliun dhe e panë që nuk kanë të ardhme, brenda 2-3 muajsh do kalojnë te PD zyrtare.
Kështu që një njeri i mundur prej një dekade natyrisht që ka deviacioni në psikik, është dhe interesi i tij, se vuan shumë nga Reforma në Drejtësi. Erdhën 300 hetuesit të shohim se çdo bëjë SPAK”, deklaroi ai.
Më tej avokat Ngjela theksoi se Sali Berishës nuk ia vodhën zgjedhjet, por demokratët kanë abstenuar sepse nuk janë bërë pjesë e përçarjes së partisë. “Pati një rrënim të madh në vota dhe pritej abstenimi dhe Rama që donte ta sabotonte se kishte frikë se mos mundeshin thellë këta se do Saliun. Ka një rrënim të portretit Sali. Abstenuan, nuk donë në votime, çdo të thotë më vodhën”, u shpreh ai.
Ngjela akuza Metës dhe Berishës
Më herët avokat Spartak Ngjela ka deklaruar se rezultati i zgjedhjeve lokale të 14 majit ishte një shuplakë ndaj dyshes Meta-Berisha. PS ka korrur fitore në 53 bashki dhe sipas avokatit, demokratët nuk mund të dilnin të votonin për partinë e Ilir Metës.
“Koha e Berishës dhe e Metës unë e kam thënë që ka mbaruar. Unë e kam thënë që do të ketë shumë abstenime djathtas. Por ai abstenimi thelloi humbjen, pra problemi ishte sepse ishin të çarë dhe jo një trup unik. Doli copa-copa dhe vendosën atje për të votuar për partinë e Metës”, tha ai. Po ashtu, Ngjela theksoi se Partia Demokratike ka nevojë të domosdoshme që të bashkohet dhe sipas tij, këtë mund ta bëjë ai që e përçau.
“Duhet të dish edhe të punosh me humbjen. Tani Berisha segmentin e shpresës e ka më të vogël”, theksoi ai. Ndërkohë, Ngjela u pyet se përse Berisha nuk reflekton nga humbja. “Nuk dihet se për kë luan Berisha, mund të ketë qendër, është i detyruar. Lëreni të mundurin në mallëngjimin e vet. Edhe gënjeshtrat që bën për të rigrupuar veten. I munduri nuk mundet dot të ketë logjikë, aq më tepër që ku është një individ i rrezikuar, dhe donte të nxirrte në pah ndërkombëtarisht forcën e tij, por paraqiti dobësinë. Nuk ka zë në opinionin publik.
Thotë ndonjë gjë të re nga dita në ditë. Historia ecën me trend. Trendi shqiptar është anti-Berishë, kot lodhet”, u përgjigj ai. Nga ana tjetër, Ngjela u ndal dhe te arrestimi i Fredi Belerit. Ai tha se nuk e ka të sigurt fitoren sepse është i proceduar penalisht dhe mund të dënohet. “Ky është kapur në flagrancë, nuk ka gjyqtar ta shpëtojë. E di unë, është kapur dhe është i djegur.
Tani ky e ka shpresën të vazhdojë 2-3 vite gjyqet siç ndodh në Shqipëri, por SPAK do të vihet në lëvizje shumë shpejt. Rama nuk i mori vetë të gjitha pushtetet, ia dha populli. Si i mori me ushtarë, me tanke? I mori me vota. E gjithë frika e tij është që të largohet Saliu dhe të bashkohet PD, rrezohet në 25 dhe Kavajën nuk e dimë se si e ka marrë. E la Rama apo e morën”, nënvizoi avokat Spartak Ngjela. /Rigels Seliman
