Agjentët e parë të Byrosë Kombëtare të Hetimit duket se do të shkojnë drejt shkarkimit. Në një përgjigje dhe raportim para Këshillit të Lartë të Prokurorisë kreu i SPAK z.Altin Dumani më 16 Mars 2023 paralajmëroi ritestimin për agjentët e BKH-s, Byrosë Kombëtare të Hetimit.
Tashmë 28 agjentëve të grupit të parë u është dërguar program i ritestimit. Ritestim që pritet të mbyllet në javët në vijim, përgjatë Maj-Qershor. Por a ka kompetenca dhe tagër ligjorr Dumani i “aspakut” sepse BKH ka drejtuese Aida Hajnon dhe nuk ka asnjë varësi nga Dumani të cilët hetuesit e BKH i mendon si OPGJ e Pokiurorisë
Ja përrallat e Dumnanit në delirin e postit:
Vetëm pak ditë më parë hetuesit e grupit të parë bënë dy vite pune, kohë për të cilën z.Dumani do të deklaronte më 16 mars se kush ishte bërë hetues së paku i mirë deri në këtë moment nuk do të tolerohej më. “Lidhur me Byronë Kombëtare të Hetimet, në jemi në proces BKH ka draftuar disa rregullore. Unë ja kam dërguar me e-mail të gjithë prokurorëve të SPAK.
Gjithashtu jemi në proces rekrutimi të OPGJ pranë BKH, po flasim për hetuesit të cilët në Maj bëjnë dy vite. Dy vite janë mjaftueshëm për të arritur një standard të kërkuar për atë vend. Për të qenë një hetues model, për veprime hetimore të mira. Nuk po themi shumë të mira, të paktën të mira”, tha ai.
Ndër të tjera, Kreu i SPAK u shpreh se nëse një hetues për 2 vite nuk vjen në lartësinë që duhet ai edhe 20 vite ta lësh atje nuk do bëhet. Sipas tij, është më mirë që pas dy vitesh ai person nuk duhet të punojë më në atë strukturë.“Por, nëse një hetues për 2 vite nuk vjen në lartësinë që duhet ai edhe 20 vite ta lësh atje nuk do bëhet.
Është më mirë që pas dy vitesh ai person apo ajo, apo ai hetues që nuk duhet të punojë më në atë strukturë më mirë të pas dy vitesh se sa ta mbajmë, prit se do bëhet prit se do bëhet, mundësia ju dha dy vite janë mjaftueshëm. Nuk bëhet në mënyrë arbitrare, ka një proces, të tërë Por unë them ka tregues ka proces vlerësimi, ka testime, është e përcaktuar si do rivlersohen”, tha asokohe Dumani.
Dumani: Fokusi te lufta kundër korrupsionit
Ndërkohë, më herët kreu i SPAK Altin Dumani, ka folur sa i përket luftës kundër korrupsionit. Ai tha se lufta kundër korrupsionit është në fokus të punës së Prokurorisë së Posaçme Anti Korrupsion. Dumani tha se prioritet është hetimi i veprave me natyrë korruptive.
“Fokusi është lufta ndaj korrupsionit, hetimi i veprave penale me natyrë korruptive. Si drejtor i SPAK do të vë të gjitha burimet në funksion të këtij seksioni. Sa i takon krimit të organizuar, pritshmëritë e mia janë shumë të mira”, tha ai.
Kryetari i Prokurorisë së Posaçme, Altin Dumani ka folur për problematikat që ka ky institucion. Dumani tha se gjashtë hetues punojnë brenda së njëjtës zyrë.“Deri në 6 hetues janë në një zyrë.
Në rast se njëri prej tyre duhet të marrë në pyetje një person kolegët e tjerë të zyrës duhet të dalin jashtë për shkak të ruajtjes së sekretit të hetimit. Ju kërkoj të ndërhyni me autoritetin që ju jep ligj që të kemi ambiente në nevojshme për ushtrimin efektiv të funksioneve. Është një proces që ka nisur por duhet të shkojë deri në fund”, tha Dumani.
Sipas Dumanit, rastet për pastrim parash janë rritur, ashtu sikurse dhe çështjet për pastrim parash. “SPAK ka demonstruar se rastet për pastrim parash janë në rritje. Në 2022, 12 çështje të reja, çështje me burim kallëzimi nga juridiksione të huaja.
SPAK i ka kushtuar vëmendje të veçantë veprave penale në trafik narkotikësh apo terrorizmit. Janë rritur me 30% çështjet lidhur me korrupsionin. Po ashtu prokurorët u janë nënshtruar disa trajnimeve të rëndësishme”, tha ai.
