Krimi me pronat e sindikatës, këkron “Veting” më vete
“Në vitin 2011, unë kam marrë një dokumentet e proceseve gjyqësore mes Sindikatës së Ushqimit, BSPSH dhe zhvatësve të Kampit të Punëtorëve në Sarandë, si dhe hetimi (auditimi) që ka bërë Kontrolli i Lartë i Shtetit në vitin 2006, tregojnë gjithë “llumin” e tjetërsimit të kësaj prone, në pasuri të Klement Balilit, me start krijimin e qëllimshëm nga BSPSH, të një shoqërie aksionere me emrin “DEA shpk”, të lidhur me një shoqëri tjetër italiane me emrin “Mare Monti Holding”, me ndarje aksionesh të kampit 40% për BSPSH dhe 60% për “DEA”-“Mare Monti Holding”.
Sipas vendimeve gjyqësore në të gjithë shkallët, në vitin 2000 kur kryeministër ishte Ilir Meta, rezulton se Balilajt “pasi kishin marrë mendimin e kryeministrit”, kishin blerë “në ankand” 60% të aksioneve të shoqërisë “DEA”-“Mare Monti Holding”, me vlerë 84 milionë lekë, duke u bërë bashkëpronar me BSPSH e drejtuar nga Gëzim Kalaja.
Po me BSPSH, Balilajt kishin lidhur një kontratë qiraje për pjesën 40% të kampit, me afat mbi 30 vjet, ndaj dhe pas blerjes së 60% të aksioneve, ata e kishin 100% në përdorim, por duke nënshkruar një kontratë të re me kreun sindikal Kalaja, që të mos paguanin qira për 10 vjet, mbasi do të investonin 100 mijë dollarë!
Në qershor të vitit 2000, pasi kishte dështuar të regjistronte në Hipotekë kontratën e enfiteoze të qirasë së pjesës 40% të sindikatës, kompania e Balilajve “Titan Konstruksion”, hapi gjyq kundër sindikatës në Gjykatën e Sarandë dhe e fitoi gjyqin që drejtohej nga Petrit Aliaj, i cili sipas deklaratës në ILKPDI, rezultonte se ishte paguar nga Balilajt si “punonjës konsulent ligjor” pranë “Titan Konstruksion” dhe ishte paguar prej tyre 47 mijë USD, vendim që u rrëzua në mars 2005, nga Gjykata e Apelit Gjirokastër!
Në prill të vitit 2011, pasi Gjykata e Lartë legjitimoi si provë të re, hetimin (auditimin) e Kontrollit të Lartë të Shtetit, i cili vlerësonte se “pronësia e Kampit të Punëtorëve Sarandë, ishte shitur e dhënë me qira në kundërshtim me ligjin”.
Në muajin dhjetor 2008, futet në lojë LSI, personalisht Ilir Meta dhe me ndërmjetësimin e Sali Berishës, bindën Gëzim Kalanë, për të firmosur një AKT-DHURIMI (jo qiraje), me të cilin i dhuronte Balilajve pjesën 40% të Kampit të Sarandës, ndërsa po sipas kësaj kontrate, Balilajt i dhuronin Gëzim Kalasë, një sipërfaqe 3500 m2 tokë në Linzë të Tiranës, mbi të cilën janë ndërtuar pallate, që figurojnë me emrin Gëzim Kalaja./Pamfleti
