Dosja që zbërthyen për llogari të SPAK na autoritete policore franceze duket se do të çojë në pranga dhjetra punonjës policie, zyrtarë të lartë, drejtues bankash, pronar mediash dhe gazetarë.
Kjo pasi arrestimi i biznesmenit Pëllumb Gjoka, kryeprokurorit të Kukësit Xhevahir Lita dhe ish-drejtuesit të Forcave të Posaçme Operacionale, Oltian Bistri, është vetëm maja e ajsbergut të një hetimi të gjerë të Prokurorisë së Posaçme në lidhje me zyrtarë të lartë që kanë kontakte me njerëz të botës së krimit.
Në disa media dje, të cilat citojnë burime nga Struktura e Posaçme Kundër Krimit të Organizuara dhe Korrupsionit, si dhe Byrosë Kombëtare të Hetimit, thuhet se tashmë në monitorim të agjentëve të BKH-së dhe prokurorëve të SPAK janë rreth 300 punonjës policie, pasi ka dyshime se mund të kenë lidhje me krimin.
Një pjesë e tyre, të cilët sipas të njëjtave burime janë edhe drejtues të lartë, po verifikohen pasi emrat e tyre kanë dalë në përgjime teksa kanë në kontakt dhe lidhje me anëtarë të grupeve kriminale. Një pjesë e tyre pritet që në ditët në vijim të merren në pyetje nga agjentët e BKH dhe prokurorët e SPAK.
Gjithçka është zbuluar pas dërgimit të qindra materialeve nga partnerët ndërkombëtar, belgë dhe francezë, të cilët mundën që të dekodojnë bisedat nga aplikacionet “Sky” dhe “CriptoChat”, në të cilat janë zbuluar emrat konkret të punonjësve të lartë të Policisë së Shtetit në komunikim me grupet kriminale, përmes këtyre aplikacioneve që përdoren me pretendimin se janë të pamundur për t’u dekoduar.
Po ashtu, mësohet se në transkriptet që tashmë janë në duart e SPAK dhe BKH dalin edhe zyrtarë të tjerë, nga drejtues bankash e deri tek personazhe të botës së medias dhe televizionit, biseda mes të cilave janë edhe sigurimi i dozave të drogës për përdorim, lojëra fati dhe aktivitete të tjera të paligjshme, për të cilët Prokuroria Specialë pritet që në ditët në vijim të lëshojë flet arreste për të gjithë ata që janë implikuar në këto mega afera kriminale dhe korruptive.
Çfarë ka ndodhur?
Ndërkohë kujtojmë se çkodimi i mesazheve në aplikacionet “Sky” dhe “Encro” nxori zbuluar zyrtarë të lartë shtetërorë dhe eksponentë të krimit të organizuar, një pjesë e të cilëve u arrestuan më 27 korrik nga SPAK.
Emrat e parë që tërhoqën vëmendjen e opinionit, ishte arrestimi i biznesmenit Pëllumb Gjoka, drejtuesit të prokurorisë së Kukësit, Xhevahir Lita dhe ish-drejtuesit të Grupit të Operacionales, Olti Bistri.
Ervis Martinaj i zhdukur prej 1 viti pa gjurmë dhe Behar Bajri, plotësuan tablonë e grupit kriminal të mirëorganizuar të shpallur në kërkim. Të gjithë gjenden të pleksur tek vrasja e Gjin Ndojit.
Kjo vrasje dhe zbardhja e tre tentativave për vrasje, duke se i fundosi të gjithë. Grupi bëri plan për të vrarë Kleant Musabelliun, Ibrahim Licin, Dorian Dhuli, Taulant Pepajn, Genc Tafilin dhe vëllain e Dhulit. Ndërkaq duhet theksuar se 16 mijë shqiptarë rezultojnë të jenë abonentë në aplikacionin “SKY”. Europol bëjnë me dije se 10% e SKY është referim shqip.
Mësohet gjithashtu me dije se po gjenerohen mesazhe pa fund dhe se Shqipëria ka kërkuar 6 poste pune për shkak të volumit, por i dhanë vetëm 2 pasi nuk ka vende sepse agjentë nga e gjithë bota po punojnë për llogari të vendeve të tyre.
Po çfarë është aplikacioni SKY? “SKY ECC” është aplikacioni ku njerëz të përfshirë në botën e krimit flasin për organizimin e trafiqeve, porositjen e vrasjeve dhe gjithçka tjetër mbi aktivitetin e tyre kriminal.
Dekriptimi i SKY ka çuar në arrestime të emrave të rëndësishëm të botës së krimit. Aplikacioni është çmontuar dhe është mbyllur në vitin 2021 nga një operacion i Europol. Për ta shkarkuar dhe përdorur, duhej të kishe një telefon të posaçëm. /Rigles Seliman
