Çfarë? Ndjejnë vallë ndonjë kënaqësi, që shumë portale publikojnë pamjet e videos, ku një burrë 55 vjeç pas disa grushteve në një zënkë në Vlorë gjen vdekjen?! Video që jep shpirt njeriu!!!
A jeni në terezi?! Mirë etikë që s’keni, mirë njerëzillëk jo e jo, po të paktën mendoni sikur të ishte prindi juaj, vëllai juaj, miku juaj, do të donit që dikush t’ua publikonte ato pamje për ca klikime më shumë?! Ja vlen?!
As respekt për vdekjen, as për të vdekurin, as për familjarë, as për lexues e shikues (asnjë vlerë s’ka shënimi kujdes pamje të rënda).
Madje as respekt për veten nuk keni, kur para pak muajsh mbuluat (me të drejtë) pamjet e vrasjes në Lezhë.
Për strukturat që administrojnë provat, është e kotë të flasësh, se janë bërë si kullesë makaronash, u rrjedh çdo gjë. /Nga Edmond Arizaj
