Deputeti i Partisë Demokratike, Ferdinand Xhaferaj tha në një intervistë për Euronews Albania se Lulzim Basha në krye të PD ka qenë gjithmonë nën hijen e Sali Berishës dha ka marrë çfarë ka dashur.
Sipas tij, ajo që bën Basha edhe tani, kur kërkon të përfitojë nga Rama, nuk ka lidhje po politikën por me biznesin.
“Që nga 2017 të gjithë e dimë që z. Basha ishte djali joligjor i Sali Berishës. Të gjithë shqiptarët e kanë një fjalë për djalin jo ligjor. Ky djali joligjor, hapi derën e Berishë dhe mori çfarë deshi nga Berisha, hapi edhe për shumë vite derën e Ilir Metës dhe mori çfarë deshi.
Tani po hap edhe derën e Ramës të marrë çfarë do, po janë gjëra që nuk kanë lidhje me politikën, por me biznesin”, tha Xhaferaj
