Gati 2,000 njerëz vdiqën pas tërmeteve të forta që goditën Afganistanin të shtunën mbrëma, sipas talebanëve.
Ky numër është shumë më i lartë se dje, kur OKB-ja dha një shifër paraprake prej 320 personash.
Tërmeti me magnitudë 6.3 goditi perëndim të vendit, sipas Shërbimit Gjeologjik të Shteteve të Bashkuara.
Epiqendra ishte rreth 25 milje në veriperëndim të qytetit të Heratit. Pasuan tre pasgoditje të forta, me përmasa 6.3, 5.9 dhe 5.5, tha USGS.
Operacionet e kërkim-shpëtimit po vazhdojnë për qindra civilë të cilët dyshohet se janë varrosur nën rrënoja.
Abdul Rayad , një zëdhënës i Ministrisë së Informacionit dhe Kulturës së Afganistanit, bëri thirrje për ndihmë urgjente, ndërsa videot e postuara në mediat sociale shfaqnin qindra njerëz në rrugë jashtë shtëpive dhe zyrave të tyre në qytetin e Heratit.
afganistan2
Një zëdhënës i autoritetit kombëtar të Afganistanit për fatkeqësitë tha se katër fshatra në distriktin Zenda Jan të provincës Herat morën peshën kryesore të tërmeteve.
Qershorin e kaluar, një tjetër tërmet i fuqishëm goditi Afganistanin lindor, duke vrarë të paktën 1,000 njerëz dhe duke plagosur rreth 1,500. Ai ishte më vdekjeprurësi në Afganistan për dy dekada
