Evi Kokalari ka zbuluar prapaskena të bujshme brenda politikës në Shqipëri. Zonja Kokalari ka hedhur akuza shumë të forta ndaj ish-presidentit Ilir Meta dhe duke zbardhur madje edhe disa skandale për të. Përmes një shënimi të publikuar në rrjetet sociale, e teksa komenton reagimin e kreut të Partisë së Lirisë, Ilir Meta, i cili mori në mbrojte ish-kryeministrin Sali Berisha pasi ky i fundit është marrë nënë hetim nga Prokuroria e Posaçme Kundër Krimit të Organizuar dhe Korrupsionit sa i takon aferës së privatizimit të ish-kompleksit “Partizani”, zonja Kokalari akuzon ish-presidentin se ka shantazhuar një biznesmen për t’i marrë lekë.
Madje ajo tregon se si Meta e përdori drejtësinë për interesat e tij personale, ndërsa zbulon pse kreu i PL ia hap edhe më shumë “gropën Berishës pas goditjes nga SPAK. “Më bëri përshtypje një koment i Ilir Metës për situatën aktuale në Shqipëri, kur thotë: ‘Drejtësia me regji ka ndërmarrë veprimet e saj antikushtetuese dhe të paligjshme’. Vetëm disa muaj më parë isha ulur për një kafe me pronarin e një biznesi të respektuar diku në veri të Shqipërisë, i cili më tha se ishte i PS, por pastaj më tregoi sesi Ilir Meta i kishte çuar Gardën dhe policinë tek biznesi i tij për ta shantazhuar me sa kuptova për punë lekësh, e gjitha si ‘drejtësi me regji me veprime antikushtetuese dhe te paligjshme’. Disa njerëz seriozisht i bëjnë dëm Berishës tashti nëse flasin.
Heshtja e tyre pa diskutim do ta ndihmonte atë”, shkroi Kokalari. Kujtojmë se pak ditë më parë kreu i Partisë së Lirisë Ilir Meta e ka quajtur urdhër politik të kryeministrit Edi Rama për të intimiduar opozitën, masën e sigurisë të vendosur ndaj Sali Berishës nga SPAK. Përmes një statusi të shkurtër në rrjetet sociale, aleati i kreut të Rithemelimit, thotë se drejtësia me regji ka ndërmarrë akte antikushtetuese dhe të paligjshme ndaj Berishës.
Aktivistja merr në mbrojtje deputetin gjerman
Nga ana tjetër, përmes një shënimi të dytë në rrjetet sociale themeluesja e lëvizjes politike “Konservatore”, Evi Kokalari ka marrë në mbrojte edhe deputetin gjerman të CDU/CSU, Gunther Krichbaum, i cili është vënë në qendër të sulmeve të ish-kryeministrit Sali Berisha dhe lakenjve të tij, vetëm e vetëm se ligjvënësi i Bundestagut apeloi që SPAK të mos intimidohet referuar rastit të hetimit të kreut të “Foltores”.
“Të akuzosh një deputet të Bundestagut që është paguar, është shumë e turpshme. Dhe për Ambasadoren Amerikane thatë e kishin blerë duke i dhënë apartamente dhe shtëpi nga jugu. Kjo ishte një gënjeshtër e tepruar. Këto lloj sulmesh kundër të huajve ju bëjnë të humbi besimin tek shqiptarët dhe tek opinioni i huaj dhe nuk është mënyra e duhur për të mbrojtur veten nga akuzat e korrupsionit”, shprehet Kokalari.
Kokalari ironizon Topalli
Ndërkohë në shënim tjetër, zonja Kokalari ka ironizuar ish-kryetaren e Kuvendit të Shqipërisë, Jozefina Topalli, e rreshtuar prej kohësh në krah të ish-kryeministrit Sali Berisha dhe “Foltores”. “Sa për të ndryshuar temë- Më kujtohet përpara disa kohësh më tha një mikeshë se Xhozi me ironi i kishte thënë: “Ja, erdhi Evi të na shpëtojë PD”. Në fakt më erdhi disi keq që pikërisht një grua që kishte pasur një karriëre politike dhe kishte qenë dhe kryetare Parlamenti të shprehej kështu, ndërkohë që unë po sakrifikoja karrierën time në Amerikë duke i dal ë krahë dikujt që ishte nën-sanksione pikërisht nga DASH.
Deri atëherë e kisha respektuar si grua të fortë, por pa e njohur, madje i thashë Berishës ta ftonim në podium në “Foltoren” e Shkodrës, megjithëse personalisht m’u desh ta kançelloja minutën e fundit. E takova Xhozin disa herë dhe isha unë qe i kam folur, madje dhe përqafuar. Por Xhozi kishte probleme me veten dhe shume komplekse përderisa më kalonte përpara dhe ja fuste vrapit për të evituar përshëndetjen. Me vone, ne nje emision te Ermal Peçi bëra gabimin ta thoja publikisht që s’më fliste dhe sigurisht media e bëri qimen tra dhe foli gjatë për këtë.
Ndërkohë unë e shikoja me nota argëtimi sepse seriozisht nuk e kuptoja se si një individ në atë pozicion të kishte nota të theksuara xhelozie (siç me thanë ata që e njihnin) për dikë që mbi të gjitha ishte tanget në politikën shqiptare. Pra, unë kisha ardhur të jepja një ndihmë të vogël dhe do ikja, çfarë e shqetësoi Xhozin, Zoti e di. Nejse, me vjen mirë që tashti Xhozi është në plan të parë dhe në mbrojtje të doktorit, sepse me siguri tashti do jetë Xhozi që do ta shpëtojë PD. Me këmbë të mbarë, Jozefina”, nënvizoi Kokalari.
