Përfaqësuesit e popullit, të katandisur me keq se populli
Sipas deklarimeve pasurore që kanë bërë, rezulton se këta përfaqësues të popullit, qenkan katandisur me keq se populli, se pastrueset, shoferët dhe rojet e Gardës në Parlament, kur dihet që të dy kanë afro 20 vite deputet dhe njeri si kryetar partie ka emëruar ministra, ndërsa tjetri ka qenë vetë ministër, atje ku i shërbehet popullit me shëndetësi falas!
Mirëpo ja që pasuria e dy “Vangjelëve” të parlamentit del e shkundur, mbasi ata kanë vetëm pagën si deputet në Shqipëri, ndërsa familjet dhe “katandinë” e kanë në Greqi dhe ndoshta ligji shqiptar, nuk i detyron të tregojnë pasuritë që kanë matanë kufirit.
Vangjel Tavo, deputet i PS, i LSI, i PS dhe përsëri i LSI
- Të ardhura nga paga dhe përfitime të tjera financiare si deputet, 2 954 441 lekë.
- Të ardhura nga shitje shtëpie në Pire-Greqi, 90 000 euro. ( Ka harruar të deklarojë shtëpinë në Shqipëri, makinën e tij, makinën dhe pagën e bashkëshortes 4 vjet drejtore e LSI në Agjencinë e Zhvillimit Bujqësor Rural (AZHBR), ku ndaheshin 130 milionë euro fonde në vit, për fermerët, por edhe “dicka” tjetër që ka në kanada, ku shkon e relaksohet nga 6 muaj).
Vangjel Dule, deputet i PNDNJ, i zgjedhur nga PD
- Të ardhura nga paga dhe përfitime të tjera financiare si deputet, 2 944 241 lekë.
- Bashkëshortja zonja Hristina Erisa Hanxhari, të ardhura nga paga si arsimtare, Drejtoria Arsimore e Epirit, Greqi, 6 585 euro.
- Gjendja e kursimeve, 4 800 euro.
- Shlyer në vitin 2016, vlera 4791 euro kredi bankare për shtëpi, detyrimi i mbetur 18 000 euro. (Ka harruar të deklarojë makinën, shtëpinë në Greqi dhe shtëpinë që ka marrë me kredi në Shqipëri)./Pamfleti
