Nuk kaluan as 12 orë nga denoncimi se gjyqtarja që liroi nga qelia Jamarbër Malltezin është në konflikt interesi SPAK, bëri lëvizjen e parë.
Prokuroria e Posaçme i është drejtuar Gjykatës së Lartë për rekurs të vendimit të gjyqtares së Apelit, Iliriana Olldashi, e cila nxori nga burgu duke lënë në arrest shtëpie dhëndrin e ish-kryeministrit Berisha.
Prokurorët e çështjes pohuan se kërkojnë qëndrimin në burg të Malltezit, pasi nuk ka ndryshuar asnjë rrethanë nga hetimet.
Gjyqtarja Olldashi në vitin 2015 ka blerë apartament tek kullat e ndërtuara te ish-kompleksi Partizani me një cmim shumë më të lirë se tregu, 65 mijë euro, përllogaritur 712 euro m2.
Apartamenti ku ajo jeton është ndërtuar pikërisht nga kompania Homeplan që është në qendër të procesit dhe atje është aksioner Jamarbër Malltezi, person nën hetim për korruptiv pasiv dhe pastrim parash që ndodhej në burg, dhe që, me vendimin e beftë gjyqtarja e liroi.
Gjyqtarja në konflikt të hapur interesi e mbajti të fshehtë këtë fakt dhe nuk u tërhoq nga çështja, duke ngritur edhe më shumë dyshimet, jo vetëm për njohjen me palën në proces, por edhe për një trajtim të favorshëm nga ana e shoqërisë Homeplan, për vetë çmimin qesharak me të cilin ajo ka blerë apartamentin në kullat e Malltezit që SPAK po i heton si frut të korrupsionit.
Ndaj kjo gjyqttare duhet të hetohet për korrupsion, kur janë shkarkuar pa asnjë provë gjyqtarë dhe prokuror vetëm se kanë udhtuar rastësisht me element të ikriminuar.
