Luftës që thotë se eksponentë të SPAK-ut të vënë nën diktatin e Kryeministrit, i kanë shpallur atij dhe Partisë Demokratike do t’i kundërpërgjigjet me padi në gjykatë.
“Ata na kanë shpallur luftë, ne jemi në betejë pa kthim. Do paraqesim padi penale për secilin prej tyre”, deklaroi dje Berisha gjatë një konference për mediat, duke kërcënuar hapur prokurorët dhe gjyqtarët e SPAK.
Ndërkohë ish-kryeministri Sali Berisha në konferencën me gazetarët është pyetur edhe për deklaratat e të ngarkuarit me Punë të SHBA, David Wisner, i cili në një intervistë televizive, nuk pranoi të komentonte sulmet që Berisha i bën SPAK, duke e quajtur ish-kryeministrin “një të sanksionuar”.
Edhe Berisha, nuk pranoi të komentonte deklaratat e tij, por tha se ka një rrugë si ai mund të “shkrijë” marrëdhëniet me SHBA.
Berisha u shpreh se e vetmja rrugë është të paraqitet një dokument i vetëm që të faktohet ajo për çka flitet në vendim dhe ai do të bëjë zgjidhjen e plotë të problemit. Sipas Berishës, intervista e Wisner ishte një përgjigje kundër rrezikut anglo-amerikan të Edi Ramës të shpallur në kongresin e partisë.
“Nuk kam ndërmend të komentoj deklaratat e të ngarkuarit me punë të SHBA. Ai shprehet se nuk komentoj deklaratat e një personi non-grata. Që këtu s’më takon të komentoj më tutje këtë problem.
Por ka një rrugë, që të paraqitet një dokument i vetëm, që të faktohet ajo që flitet në vendim dhe unë të bëjë zgjidhen.
Mesa kuptova në atë intervistë, ishte një përgjigje kundër rrezikut anglo-amerikan të Ramës të shpallur në Kongresin e Partisë. Rama e kishte atë kontributin anglo-amerikan. Anglezët erdhën në zyrën time, folëm gjatë dhe më pas e panë që nuk ishte punë reforme”, nënvizoi Berisha.
