Në Gjykatën Kushtetuese janë depozituar sot 28 firma nga deputetë të Rithemelimit dhe të tjerë, të cilët kërkojnë të pezullohet arrestimi i Sali Berishës dhe Gjykata Kushtetuese të shprehet rreth kushtetutshmërisë së kompetencave të SPAK në hetimin e tij.
Edhe pse Sali Berisha u duk si trim ditën e parë, duket se ndërroi mendje. Njësoj si në rastin e parë kur thoshte se jam dakord të më hetojnë, por nuk shkel Kushtetutën, tani që i erdhi radha të arrestohet, përpiqet të mbrohet në një anë me Gjykatë Kushtetuese, dhe në anën tjetë rme protesta para Kuvendit ditën që do t’i dorëzohet drejtësisë.
Por ajo që bie në sy në këtë gjest të Rikthemelimit, është se firmat e deputetëve që kanë nënshkruar nuk bëhen publike.
Tre janë arsyet.
Arsyeja e parë, është që mes atyre firmave, Albana Vokshi u ka marrë firmën deputetëve për ndonjë gjë tjetër duke i gënjyer dhe e ka përdorur firmën për Sali Berishën. Bërja publike e firmave, mund ta qartësonte këtë gjë.
Arsyeja e dytë, është se disa prej deputetëve të cilëve u kanë kërkuar të firmosin, e kanë hedhur firmën me kusht që ajo të mos bëhet publike, pasi u vjen turp të përdoren deri në fund nga Sali Berisha, por dhe nuk kanë fuqi të shkëputen prej tij.
E treta, që mund të jetë dhe më e rëndë, është se ndonjë prej firmave mund të jetë falsifikuar.
Njëra prej këtyre arsyeve e shtyn Berishën t’i mbajë firmat fshehur derisa ta regjistrojë gjykata ankesën.
Nga ana tjetër ky veprim zhburrnon Sali Berishën, i cili premtoi se këtë radhë do ballafaqohej me drejtësinë.
Atij po i ngjet pak a shumë si ajo anekdota me ushtarin që donte t’i shmangej rreshtimit për stërvitje.
Sa herë thirrej në rreshtim shkonte në wc që t’i shmangej rreshtit dhe stërvitjes.
E thirri oficeri veç dhe i tha: biro, nuk shtyhet ushtria me të dhjerë.
Saliu nuk ka bërë ushtri dhe s’e di këtë anekdotë. Por mund të ketë rast ta provojë. Se dhe burgu një lloj ushtrie është.
