Analisti i njohur, Kastriot Aliaj ka nxjerrë për herë të parë disa fakte tronditëse nga biografia sekrete e ish-kryeministrit Sali Berisha. Gjatë një prononcimi për gazetën “SOT”, zoti Aliaj ka treguar problemet psikike që shfaqi Berisha dhe emrin e mjekut që e ka kuruar në kohën komunizmit.
Në shkrimin e tij, Aliaj nxjerr pseudonimet që mbante Berisha si spiun ish-Sigurimit të Shtetit dhe lidhjet e tij me UDB e shërbimin francez. Po ashtu, ai ka zbuluar detaje nga origjina e familjes “Berisha” dhe detaje të errëta nga fisi i bashkëshortes së Saliut.
Epoka postkomuniste
“Çdo histori suksesi apo mos suksesi ka një fund, që motivohet nga roli negativ apo pozitiv, i çdo drejtuesi në shoqërinë demokratike. Fatkeqësisht e gjithë epoka post- komuniste, që u pushtua nga elementë të prodhuar në shoqërinë diktatoriale, nuk arriti dot të konsakrojë ëndrrën e shqiptarëve, për një Shqipëri të lirë e demokratike. Shoqëria jonë u pushtua që në hapat e para të demokratizmit, nga elementët apokaliptik të krimit dhe korrupsionit, në të gjitha strukturat e piramidës shtetërore dhe juridike.
Partitë që u vunë në krye të drejtimit të vendit, u blinduan nga elementët destruktivë, që po demonstrojnë edhe sot papërgjegjshmërinë e tyre, duke mos i shërbyer shtetit dhe shoqërisë, por oligarkëve që kanë shkatërruar imazhin e demokracisë. Proceset zgjedhore që nga Marsi i vitit 1992, u karakterizuan nga deformimi i votës së lirë, me manipulime, deformime, blerje votash, lobime deri dhe me struktura jashtë vendit, politizimi i komisioneve, ku në të gjithë botën demokratike, ato administrohen dhe kontrollohen nga shoqëria civile.
Në se do t’i referoheshim filozofit, psikologut social dhe psikoanalistit gjerman Erich Fromm, e gjithë periudha e ashtuquajtur tranzcion, mund të quhet pa frikë “anatomia e destruktivitetit demokratik”. Ku e gjithë kjo “ushtri” që po vazhdon të blindojë berishizmin, është bartëse e destruktivitetit demokratik, ku ky grup i madh njerëzish, ku fatkeqësisht perfshihen edhe deputetë të pa formuar politikisht, janë gatuar me gjithfarë ndjenjash shqetësimi, agresiviteti dhe urrejtje.
Të shkosh pas një figure si Sali Berisha, i prirur për shkatërrim me mentalitetin e besnikërisë bolshevike, i cili ka qenë djalli brenda PD dhe opozitës, ku mbi të gjen vulën e Kainit pa kurrfarë dinjiteti njerëzor, do të thotë që je naiv politik, që s’ke arritur ta njohësh këtë lider problematik. Po kush është në të vërtetë Sali Berisha?”.
Origjina e familjes “Berisha”
Kush është origjina e familjes së tij, që ka ndikuar në formimin me instiktet e natyrës diabolike? A e dinë ata se ky njeri nekrofil, është udhëhequr gjithnjë nga programi instiktiv i tij, në funksion të pasionit për hakmarrje, shkatërrim, e shfarosje? A janë të bindur besnikët e tij, se lideri i tyre nuk e ka njohur kurrë shtetin ligjor, drejtësinë dhe parimet e demokracise?
Të gjitha këto veçori dhe karakteristika, që kanë qenë katalizatorët e çimentimit të pushtetit të tij influent, kanë përbërë kërcënimin real të shtetit, opozitës, shoqërisë dhe demokracisë, të cilat shqiptarët po i përjetojnë edhe sot. Shkëputja e menjëhershme nga mentaliteti i shoqërisë diktatoriale, për të bërë groteskun e njeriut demokrat, ishte ora historike e tij, që duke shfrytëzuar situatën kaotike social-politike, u ngrit me katapultë në lartësitë e pa merituara.
Profili i këtij nekrofili duke qenë një dosje të zezë voluminoze, ka nxitur mjaftë njohës të veprimtarisë së tij, që t’u paraqesin shqiptarëve me shifra dhe fakte, një mori prapaskena, mashtrime, manipulime, anatemime, afera, krime të natyrave të ndryshme, të cilat e çimentuan në krye të shtetit dhe partisë. Një rrol jo pak negativ në formimin e tij, ka luajtur e kaluara e trashëgimisë së huqeve të gjyshërve të tij.
Gjyshërit e Saliut ishin me orgjinë sllave, të ardhur në Ballkan nga rrethinat e detit Kaspik. Me të ardhur në malësitë e Gjakovës, ata marrin mbiemrin Berisha, nga që ky emër ishte më i përdoruri në Kosovë. Të parët e tij që shquheshin për veprimtari shkatërruese e keqbërëse, i kanë vënë dy herë zjarrin malësisë së Gjakovës, fakt ky që njihet edhe nga të moshuarit e Tropojës. Pas këtij akti barbaresk ata largohen nga Kosova, duke zgjedhur për t’u vendosur fshatin Viçidol.
Si u fut në politikë dhe mjeku që e kuroi
Në vitin 1962 Saliu vjen në Fakultetin e Mjekësisë, ku mbas mbarimit të tij me ndihmën e të vëllait Idrizit, pranohet si anëtar në rrahët e PPSH. Me pranimin si anëtar i partisë, ai pranon bashkëpunimin me organet e sigurimit famkeq, me pseudonimin tashmë të njohur nga shumë shqiptarë “Penicilina”. Me pranimin në parti, Saliu, nuk nguroj të shfaqë pasionin e tij tinëzar, të natyrës agresive, duke futur në burg ish-drejtorin e Drejtorisë së Punëve të Brendshme, Zef Loka, i cili mbante dosjen e tij, megjithëse e kishte ndihmuar shumë për çdo problem familjar.
Në vitet e punës në spital si mjek zëmre, iu shfaqën shenjat e para të problemeve psiqike. U dërgua nga partia për kurim në Austri, me urdhër të Ilir Gjylbegut që kryente detyrën e sekretarit të partisë, i shoqëruar nga mjeku i nderuar Ylvi Vehbiu. Me ardhjen e Saliut në pushtet, pas përmbysjes së sistemit doktor Ylviu largohet për në SHBA, por duke parë ambiciet arkaiko-primitive të tij, do të shprehej:” mjerë Shqipëria në dorë të kujt ka rënë”.
Roli i tezes së Liri Berishës
Saliu u martua me Lirinë vajzën e Rexhep Ramës, i cili ishte dërguar nga shteti shqiptar si student në Jugosllavi, por me prishjen e marrëdhënieve ai nuk u kthye në Shqipëri, por qëndroj në Kosovë dhe u martua me serben Milica, ish-oficere e OZNËS, (parandëse e UDB) ndërsa pas çlirimit kolonele e UDB. Milica tezja e Lirisë bashkëshortja e Saliut, ishte mbështetëse e famkeqit Rankovic, lapsit të Titos kundër shqiptarëve. Mbas këtyre të dhënave sigurimi i shtetit, zbuloj veprimtarinë e Rexhepit dhe Milicës në shërbim të UDB.
Kur Saliu erdhi në pushtet, urdhëroj Gazideden nga që edhe ky ishte agjent i UDB, që të zhdukte dosjen e tij dhe të disa të tjerëve, prandaj ai i dha shumë pushtet Gazidedes sepse i dinte të gjitha zullumet e tij. Saliu duke u futur në bllok me dallavere nga më të ndryshmet, shkonte në Francë, për analiza të anëtarëve të byrosë, kjo veprimtari e tij vuri në lëvizje strukturat e UDB, të cilat bën përpunimin e tij dhe më 30 Dhjetor 1974, vihet në shërbim të tyre me pseudonimin “Bisturia” , ku dosja me këtë emër ndodhet në arkivat e Beogradit, ku janë evidentuar të gjitha kontributet e tij. Më vonë zbulimi shqiptar i asaj kohe, i dërgon kundërzbulimit jashtë informacion, ku sqaron se në Shqipëri veprojnë dy kanale të UDB, një kanal kalon nga fshati Viçidol, ndërsa tjetri nga Shkodra.
Dosja e zezë e Berishës
Ky dokument ka qenë i firmosur nga zv/drejtori i sigurimit Sulejman Abazi, por kur Saliu erdhi në pushtet, si një njeri ambicioz dhe hakmarrës, nuk e kurseu ish-zv/drejtorin pa e futur në burg. Kur filluan zgjedhjet për kryetar të PD, e cila ndoqi rrugën e PKSH, sepse UDB nëpërmjet ish, ambasadorit amerikan në Jugosllavi Rajërson, ndërhyn për mënjanimin e tri kandidaturave, Meksit, Cekës dhe Vejsiut, për të nxjerrë në krye të PD Sali Berishën, bashkëpunëtorin e tyre tashmë të afirmuar.
Dalja e tij në krye të PD i dha shumë avantazhe, nga që perëndimi nuk kishte shumë të dhëna për veprimtarinë e tij, por kur ai filloj të shfaqej se kush ishte në të vërtetë, nga që luajti bixhoz me jetën e shqiptarëve, ku përpara tij gjithçka u vra, u vodh, u plaçkit, u shit, ju shiti tokë e det Greqisë, ku mbi të gjitha u vranë njerëz për interesat e tij. Më 1996-97-98 filloj të luajë rrolin e kamxhikut mbi shqiptarët, atëherë SHBA i vunë damkën e kuqe, ndërsa më vonë ato e cilësuan me plot të drejtë “non-grata”, duke jua lënë për gjykim organeve të drejtësisë, të ngritura po prej tyre, për ta shpëtuar Shqipërinë nga “murtaja” e krimit dhe korrupsionit”, përfundon shkrimin Kastriot Aliaj.
