Pesë persona janë ndaluar nga policia greke, pasi dyshohen se janë ekzekutorët e dy prej mafiozëve më të njohur në vend, Janis Skafturos Dhe Vasilis Rubetis.
Policia greke kreu disa bastisje, ku u arrestuan dy gjeorgjianë dhe tre të tjerëve iu bastisën shtëpitë. Aktualisht ndodhen në drejtorinë e policisë se Atikes dhe po merren ende në pyetje.
Mes tyre është një shqiptar, emri i të cilit nuk bëhet publik. Ende nuk dihet identiteti u dy të ndaluarve të tjerë. Janë lëshuar disa urdhër arreste dhe u përkasin personave që kanë marre pjesë në ekzekutimin e Janis Skafturos(Xhaxha Xhoni) Vasilis Rubetis(Rambo) dhe kunatit të Rubetit (Njonjos).
Mësohet se veç pesë të arrestuarve janë vënë në kërkim ndërkombëtar edhe disa persona të tjerë të cilët janë larguar jashtë vendit.
Burime policore thanë se arrestimet e sotme nuk kanë lidhje me ekzekutimin pak ditë më parë të një tjetër eksponenti të mafias greke, Vangjelis Zabunis, i cili u ekzekutua me 97 plumba një një pikë karburanti pronë e tij.
