Një shqiptare, zyrtare në një gjykatë, ka dhënë dëshminë e saj në Belgjikë lidhur me transfertat e parave që kishte kryer për vlonjatin Erdian Munoz Guerrero, pjesëtar i një organizate kriminale të trafikut të drogës.
Mediat e huaja shkruajnë se në gjyqin që u mbajt për 124 të pandehur në Belgjikë, Miranda.B shfaqej në përgjimet e aplikacionit “Sky ECC” me vlonjatin Erdian Munoz Guerrero ndaj të cilit kishte kryer disa transaksione parash. Ky i fundit, kishte marrë mbiemrin e gruas së tij kolumbiane dhe dyshohet si një ndër krerët e organizatës mafioze.
Miranda B, shpjegoi se kishte një marrëdhënie dashurie me të dyshuarin dhe se 20 mijë eurot që i ishin gjetur në shtëpinë e saj në Tiranë, ishin fryt i punës së saj 12 vjeçare.
Me vlerë prej 900 mijë dollarësh, gjenden në Belgjikë pikturat e vjedhura të Picasso-s dhe Chagall
LEXO EDHE:
Me vlerë prej 900 mijë dollarësh, gjenden në Belgjikë pikturat e vjedhura të Picasso-s dhe Chagall
Ajo u justifikua se nuk i kishte vendosur në një llogari bankare sepse “në Shqipëri paguajmë shumë cash”.
Ajo pranoi para gjykatës se kishte hapur gjashtë llogari bankare, ndërsa u sigurua se kishte përdorur vetëm një. “Në Shqipëri, sa herë që ndryshon punë, duhet të hapësh një të tillë,” shpjegoi ajo.
E pandehura siguroi se nuk kishte më asnjë lidhje me Eridan MG dhe se ishte në dijeni të veprimtarisë së këtij të fundit, si dhe origjinës së shumave të parave që i kërkonte të transferonte, pasi kishte lexuar dosjen.
“E dija se ai punonte në ndërtim. Mendova se paratë vinin nga atje. Kishim një marrëdhënie intime, por nuk doja t’i bëja pyetje,” shpjegoi ajo.
