Nga Anri Bala
Nesër për herë të gjashtë, Shqipëria një vend i vogël por me shumë rëndësi gjeopolitike për SHBA-në, pret figurën e dytë të shtetit Amerikan, sekretarin Antony Blinken. Ky është një event historik për vendin tonë dhe për çdo shqiptarë që e shikon ardhjen e numrit dy të qeverisë amerikane më shumë se politike, të një rëndësie jetike për një vend si Shqipëria.
Por, kjo ka mërzitur shumë korin antiamerikan të lindur në ditët e zeza të opozitarizmit, të cilët të shpërndarë si zogjtë e korbit, nuk kanë lënë rast pa llomotitur ëndrrën e tyre prej shpresëhumburish, se Blinken vjen në Shqipëri për të “takuar” Dumanin dhe për t’i dhënë kurajo, që të vazhdoj të bëj të njëjtën luftë me qeverinë Rama dhe të marrë të pandehur Ramën, e cili sipas tyre ka një çeshtje penale në SHBA.
Kjo dhe disa broçkulla nga më qesharaket tregojnë se, opozita e shkalafitur ka humbur gjithçka, madje edhe arsyen dhe ka vetëm një qëllim… rropatjen për të paraqitur edhe Ramën si nongrata i pashpallur, fajtor po aq sa Sali Berisha, që shpejt a vonë sipas tyre do ketë të njëjtin fat, shumë më të hidhur se plaku i ngujuar.
Fantazia e tyre dhe tam-tamet imagjinare me Dumanin dhe strukturën që ai drejton, të cilin e shajnë dhe e masakrojnë çdo ditë nga ballkoni i të arrestuarit më të çuditshëm në botë, tregon se sa rëndë janë moralisht dhe psikologjikisht.
Moria e tezgave televizive ku mbledhin tregëtarët e mërzitur të lloqeve, që xhindosen se përse nuk po realizohen fantazitë e shfrenuara, që për të mos u ngrënë hakun ishin realitet në kohën e Doktorit, dje mori goditjen përfundimtare për ëndrrën e tyre, duke ua prishur entuziazmin qesharak.
Personi që shoqëron Blinken, ish ambasadorja e Shqipërisë Yuri Kim ose “Kimetja” e antiamerikanëve berishistë, deklaroj:
“Ne duam të theksojmë dhe nënvizojmë bashkëpunimin e fortë që kemi me Shqipërinë. Për të shprehur falenderime kryeministrit Rama dhe Shqipërisë aleatët tanë më të rëndësishëm në Ballkan dhe një falenderim për rolin në Këshillin e Sigurimit gjatë vitit 2023. Një falenderim edhe për pritjen e afganëve që dëshmoi edhe një herë traditën e tyre historike të mikpritjes”.
Natyrisht, ajo deklaroi dhe axhendën e takimeve të Sekretarit të Shtetit ku Dumani dhe çdo strukturë ligjzbatuese nuk mund të përfshihet në takime të këtij niveli, madje edhe vetë zonja Kim, si përfaqësuese e rëndësishme e DASH sot, nuk do e takonte kurrë një nëpunës të administratës së drejtësisë, pa asnjë rëndësi të veçantë dhe pa asnjë kontribut të rëndësishëm proamerikan.
Ndalimi i disa nëpunësve të administratës dhe burgosja e tyre në radhë me faj e pa faj dhe tallja që Berisha dhe dhëndri i bëjnë shtetit dhe drejtësisë, nuk e bëjnë Falkone punonjësin e zakonshëm të sistemit të drejtësisë Altin Dumanin, i cili as më shumë dhe as më pak bënë detyrën për të cilën paguhet nga taksapaguesit shqiptarë, që deri tani janë të zhgënjyer nga drejtësia por jo shpresëhumbur, se edhe kjo kastë prokurorësh dhe gjyqtarësh do të ndryshoj./Ekskluzive.al
