Gazetari Fatos Mahmutaj, ka shpërthyer në akuza të forta në adresë të ish-kryeministrit Sali Berisha dhe kreut të Partisë së Lirisë Ilir Meta. Në një intervistë, ai hodhi akuza ndaj “non gratës” duke thënë se ata që Berisha i shihte si rrezik në Partinë Demokratike, i ka futur bërryla. Ndër të tjera, ai theksoi se disa të tjerë edhe i ka ekzekutuar, ose i ka bërë që të largohen jashtë vendit .“
Federata opozitare ka zgjedhur njeriun më të gabuar për t’u organizuar, ka zgjedhur njeriun më pak të disponueshëm dhe njeriun më të mbrapsht, dhe ka zgjedhur Sali Berishën. Opozitës shqiptare nuk i kanë munguar asnjëherë figurat, mendjet e ndritura, që mund ta vendosnin opozitën përpara.
Por, Berisha i ka futur bërryla atyre që i shihte si rrezik, disa i bëri të largoheshin jashtë dhe disa edhe i ka ekzekutuar dhe tani hallin që ka me SPAK, kërkon ta zgjidhë përmes një grupi militantësh”, tha ai. Teksa foli për bashkimin e Gazment Bardhit dhe Flamur Nokës nëse ky bashkim i jep kredite opozitës apo Berishës, ai tha se ky bashkim nuk i jep kredite as njërës dhe as tjetrës palë.
Sipas tij, ish-kryeministri Sali Berisha e ka hallin e tij me SPAK. “Ky lloj bashkimi nuk i jep kredite as opozitës dhe as Berishës. Berisha ka hallin me SPAK. Opozita në përgjithësi, nëse do të përfaqësohet nga Berisha, atëherë ajo bën një zgjedhje të gabuar. Kjo më duke si një rrëmujë pa asnjë lloj vlere”, tha ai.
Mahmutaj hedh akuza ndaj Metës
Ndërkohë, teksa komentoi protestën e opozitës, ku kreu i Partisë së Lirisë Ilir Meta nuk ishte prezent, ai e cilësoi Metën si hajduti i famshëm i floririt. Sipas tij, protestat në vend nuk mund të drejtohen nga Berisha, i cili është në arrest shtëpie d he as nga kreu i Partisë së Lirisë Ilir Meta. “Para pak kohësh diskutohej në qarqet e politikës dhe të gazetarisë në vend, nëse bëhen gati 20 mijë veta që të përgatiten për protestë,
sepse vendi dita-ditës po boshatiset nga njerëzit. Mund të gjenden edhe më shumë se 20 mijë veta, por varet se kush i organizon këta njerëz. Kush do t’i organizojë momentalisht? Berisha, që ka akuza për vrasje, vjedhje, dëbim të shqiptarëve. Kush do t’i drejtojë këta njerëz, do ti drejtoj Ilir Meta, hajduti i famshëm i floririt? Apo ata që kanë dosje të pafunda korrupsioni”, tha ai.
Sakaq, lidhur me fjalimin e Berishës i cili foli nëpërmjet një videomesazhi në protestën që u mbajt dy ditë më parë, ku ndër të tjera e krahasoi veten me ish- liderin e opozitës ruse, Alexei Navalny, gazetari tha se kjo është hipokrizi.
Sipas tij, Berisha ndodhet në arrest shtëpie për vjedhje, për abuzim me postin, ndërsa Navalny ishte në burg vetëm sepse kishte folur kundër presidentit rus Vladimir Putin.“Nëse Berisha ka gjetur për të bërë krahasim me Navalny, është hipokrizi, ai është shumë larg Berishës, ai nuk ishte oligark dhe nuk kishte vjedhur pasuri të shtetit rus. Kemi një lloj dispropocioni të jashtëzakonshëm.
Berisha ndodhet në arrest shtëpie për vjedhje, për abuzim me postin. Navalny ishte në burg vetëm sepse kishte folur kundër Putinit. Berisha, i cili nuk ka lënë krim pa bërë, ka ende kurajë për të folur. Halli i Berishës me SPAK, është hall personal, nuk është hall i shqiptarëve, nuk është hall i militantëve”, tha ai.
Gazetari theksoi se Berisha ka qenë politikani që ka ndenjur për disa vite në pushtet dhe e ka pasur mundësitë për ta zhvilluar vendin. Por, sipas tij ai e çoi hapa pas.“Në fakt ka qenë politikani që ka ndenjur më shumë në pushtet dhe e ka pasur mundësitë për ta bërë jo vetëm si Europa por edhe me mirë se aq. Ai e çoi keq e më keq dhe hapa pas”, tha ai.
Gazetari: Ata bëjnë luftë me mullinjtë e erës
Sakaq, sa i përket deklaratës së Flamur Nokës, se do të jetë Rithemelimi që do ti jap zgjidhje hallve të shqiptarëve, ai tha se hallet e shqiptarëve nuk mund të ngelen në dorë të Rithemelimit. Sipas tij, sot ne vend kemi një opozitë që merr 5 ose 6 për qind të votave dhe kërkon që të marr pushtetin.
Mahmutaj theksoi se opozita po bënë luftë me mullinjtë e erës. “Ndoshta aty nga 2060 mund të ngel që të zgjidh hallet e shqiptarëve kjo opozitë. Në votimet e fundit opozita ka marr 3 bashki nga 66, pra çfarë mund të pritet nga një opozitë që nuk është më shumë se 6 ose 7 për qind e votave.
Ata bëjnë luftë me mullinjtë e erës. Pra, ne kemi një opozitë që merr 5 ose 6 për qind të votave dhe kërkon që të marr pushtetin. Kjo është e pamundur dhe e palogjikshme dhe të imagjinosh gjëra të jashtëzakonshme. Protesta shërbeu që Berisha të thotë kam njerëz pas vetes, për egon e tij”, tha ai.
