Një nga deputetët e LSI-së, Nasip Naço, emri i së cilit është lakuar së fundmi se po largohet nga Kryemadhi, ka hedhur dritë mbi situatën aktuale partiake.
Në një intervistë për CNA.al, deputeti Naço ka thënë se nuk kanë një marrëveshje me PD-në dhe se deputetët e LSI –së, kanë qëndrimin e tyre.
“Unë besoj se ne nuk kemi një marrëveshje. Jemi pjesë e një fronti opozitar ku janë dhe parti të tjera politike. Ndoshta disa qëndrime të disa deputetëve të LSI, por dhe të grupit parlamentar, po marrim dhe rastin e zotit Luan Rama, ku i bëri thirrje kryetarit të Kuvendit, të vendosë qetësinë në Kuvend, t’i japi mundësinë të gjithë deputetëve të shprehen dhe grupeve parlamentare, ishte një qëndrim luajal. Në një farë mënyre i hodhi dorashkën kryetarit të Parlamentit për të drejtuar seancën”, ka thënë Naço.
