GJKKO lë në burg kryetarin në detyrë të Himarës, Jorgo Goro. Në fuqi u lanë të gjitha masat e sigurisë dhe u ndryshua vetëm ajo ndaj ish kreut të Kadastrës. Bilbil Aliaj nga ‘arrest me burg’ u ndryshua në ‘detyrim me paraqitje’ pasi është babai i një fëmije të mitur 5 muajsh.
I vermi i burgosur me pranga është Jorgo Goro si person me “rrezikshmëri” të lartë si çdo kryebashkiak i Ramës që i vërsuen mbi shpinë hijenat e SPAK megjithese Bashkia nuk ka asnjë një lidhje me pronat dhe tjetërsimin apo mbivendosjen.
Me pranga në duar kryebashkiaku në detyrë i Himarës u shoqërua paraditen e sotme nga blloku i sigurisë në Tiranë në GJKKO ku iu verifikua masa e sigurisë.
Goro u arrestua të shtunën e 23 marsit 2024 me kërkesë të Prokurorisë së Posaçme pasi po hetohet me dyshime se ka shpërdoruar detyrën në dy raste, duke tjetërsuar dy prona në Dhërmi, me një sipërfaqe në total prej 10592 m2, ku përfitues fundor i truallit ka qenë biznesmeni Artan Gaçi për ndërtimin e kompleksit turistik.
Vetë kryebashkiaku në detyrë i Himarës ka mohuar akuzat përmes avokatit të tij Sokol Hazizaj. Ai ka pretenduar se ‘veprimet e tij kanë qenë konform ligjit dhe se SPAK ka ngritur akuzë vetëm mbi shkresa përcjellëse në përputhje me funksionin dhe se nuk është ai që vendos dhe mbivendos prona dhe nuk është funksioni i Bashkisë por i Kadastrës”
