“Një përshkallëzim serioz dhe i rrezikshëm”,- e ka cilësuar sulmimn e nisur iranian, zëdhënësi ushtarak i Izraelit Daniel Hagari.
“Ne po monitorojmë dronët vrasës iranianë që po fluturojnë drejt Izraelit nga Irani”,-shtoi ai.
Gjithashtu grupi i militantëve Hezbollah ka lëshuar dhjetra raketa Katyusha nga jugu i Libanit drejt Galileo, në veri të Izraelit. Sirenat janë aktivizuar në vendbanimet Dafna, Snir, Hagoshrim, Dan dhe në vendbanime të tjera.
Në Izrael është vënë në funksion sistemi Iron Dome, (sistem i lëvizshëm izraelit i mbrojtjes ajrore i zhvilluar nga Rafael Advanced Defense Systems dhe Israel Aerospace Industries) që neutralizon pjesën më të madhe të raketave. Sipas njoftimeve për shtyp nga autoritetet izraelite, nuk raportohet për të lënduar apo dëme.
Ndërsa Jordania deklaron se: Do të rrëzojmë dronët iranianë që kalojnë në hapësirën tonë ajror. Po ashtu edhe Iraku ka mbyllur hapsirën e tij ajrore.
