Ta panojmë, kur bie fjala tek taksat, mund të jetojmë dhe pa to, por si do të reagonim sikur të na vinin taksa përshembull për emrat e fëmijëve apo për përdorimin e rrjeteve sociale? E dini që në disa vende të botës, këto taksa tashmë ekzistojnë edhe pse mund t’ju duket e pabesueshme
1.Taksa mbi rrjetet social. Në 1 qershor të këtij viti Uganda u bë shteti i parë në botë që vendosi taksa mbi përdorimin e rrjeteve sociale. Për të përdorur aplikacione si Ëhatsapp, Facebook ose Tëitter qytetarët do të duhet të paguajnë 5 cent në ditë. Museveni krye qeveritari i Ugandës tha se taksa ishte e nevojshme për të kontrolluar përdorimin e rrjeteve sociale.
2.Taksa mbi frymëmarrjen- Nëse do të kaloni në aeroportin ndërkombëtar të Karakasit, në Venezuelë bëni gati 20 euro, është taksa mbi frymëmarrjen të cilën duhet ta paguajë çdo pasagjer për të mbuluar koston e sistemit të filtrimit të ajrit, i cili është instaluar në 2014. Sipas ministrit të Transportit në Venezuelë, ky sistem pastron ajrin nga bakteret dhe mbron shëndetin e udhëtarëve.
3.Taksa mbi magjinë- Në Rumani, shumica e njerëzve janë supersticiozë. Kështu që “magjitë” janë një biznes frytdhënës. Disa vite më parë kjo praktikë nuk ishte e njohur për qeverinë. Mirëpo kur Rumania u përball me krizën ekonomike ministri i Financave pati idenë gjeniale që ti vendoste taksa këtij “biznesi”. Mes këtyre, astrologët dhe magjistarët do të duhet të paguajë 16 përqind të fitimit si
taksë.
4.Taksa mbi emrat e fëmijëve- Një rast i jashtëzakonshëm, ky i Suedisë, për ti vënë emrin një fëmije të porsalindur duhet të marrësh lejën e qeverisë. Suedët duhet ta marrin lejën nga qeveria para se fëmija të mbushë 5- vjeç. Nëse prindërit nuk marrin lejën për emrin e fëmijës mund të gjobiten me 500 euro. Baza ligjore e kësaj “takse” daton që nga viti 1982, kjo praktikë ka si qëllim të mbrojë fëmijët nga emrat me tendenca fyese. Qeveria ka ndaluar emra si IKEA( Mund të krjojë konfuzion) dhe Allah( Duket si propagandë fetare)
