SPAK ka nisur hetim pasuror për Flamur Nokën dhe familjen e tij. Në objektin e hetimit përfshihen hetimi dhe verifikimi i gjithë transaksioneve financiare në emër të tij, gruas dhe dy fëmijëve.
Hetimi shtrihet në gjithë sistemin bankar të Shqipërisë dhe në gjithë zyrat noteriale të vendit, për të parë dhe verifikuar shitjet, blerje pronash apo akt marrëveshje të tjera të tij apo familjarëve me të tretë.
Por a do thirret Bardhi për të dëshmuar për vilën 760 mijë euro qê i ka dhuruar Petrit Maho i ilaçeve, e cila në fakt sot ka pronar tjetër person, pasi është kryer një manovër financiare duke i’a shitur dikuj për të shmangur sekuestron si dhuratë e dyshimtë kriminale.
Para disa kohësh ishte Bardhi që e vuri me “shpatulla pas murit” Nokën, duke e akuzuar publikisht në parlament për bashkëpunim me oligarkun Petrit Maho.
Ja replikat e dy ushtarve të Berishës:
Noka: “Ata oligarkë që ti mendon se i sulmon Gaz Bardhi, jam unë dëshmitar që u rrinte mbas dere me Lulzim Bashën, me dorën shtrirë për të mbushur thesin”, ka deklaruar Muli publikisht para ribashkimit si çifti i lumtur por që i’ kishin nxjerrë të palarat njëri tjetrit në rrugë
Bardhoshi i nxirë me bojë nuk i’a përtoi Mulit që sot të dy janë ulur bashkë në prehërin e Saliut natyrisht poshtë ballkonit duke pritur momentin kur të zbresi për tu nisur në start se kush arin më parë për tu ngulur në majën e hurit të tij të shtrëmbër.
Ja kallëzimi publik dhe zyrtar sipas tij para pak kohësh:
Bardhi: Shumë miq më thonë të mos e marr seriozisht Flamur Nokën për shpifjet që shpërndan herë pas here. Por nuk do të hesht më pas serialit të ri të shpifjeve, të nisur ditët e fundit ndaj meje dhe disa kolegëve të tjerë. Ndryshe prej tij, ne nuk kemi ngritur flamurin e opozitarizmit të rremë. Kur denoncojmë korrupsionin dhe paligjshmërinë nuk selektojmë në “tanët” dhe “të tyret”.
E kuptoj që kjo e shqetëson Flamur Nokën, prandaj ka gjetur një shpifje të re ndaj meje, duke më akuzuar se denoncoj oligarkët për t’u vendosur gjoba atyre!!!
Le t’i marrim me radhë dhe e nisim nga denoncimi im i fundit për të cilin grupimi i Flamur Nokës nuk ka hapur gojën akoma.
Kujt i paskam vendosur gjobë unë, oligarkut të farmaceutikës pas emrit të të cilit Flamur Noka fsheh vilën e padeklaruar 760 mijë euroshe në Gjirin e Lazit? Meqë edhe atë e takon çdo fundjavë, le ta pyesë a i kam vendosur gjobë ndonjëherë. Dhe kur ta pyesë, Flamur Noka bën mirë të kujtohet sa herë ka ndërhyrë për të që Partia Demokratike të mos e përfshinte në denoncimet për abuzimet me tenderat në shëndetësi.
Kujt i paskam vendosur gjobë unë, mikut tënd trafikant droge, që sa ishe ti ministër i brendshëm mbyti Britaninë me drogë dhe, më pas, vendosi të pastrojë paratë e drogës me pasuri të paluajshme? Meqë rri shpesh për dreka e darka, Flamur Noka mund ta pyesë vetë edhe atë. Dhe meqë jemi në këtë pikë, është një rast për të sjellë ndërmend se me këtë mikun trafikant droge mori në qafë edhe Sali Berishën, duke i veshur damkën për lidhje me përfaqësues të krimit të organizuar.
Për Flamur Nokën kam një premtim: sa më shumë të shpifë, aq më shumë të verteta do jem i detyruar të them!
Këtu e mbyll recitimin Bardhoshi që nuk guxon t’ia përmendi emrin Petrit Mahos së njëmijë e një bëmave madje “dorxhiar” i madh që i dhuron një vilë 760 mijë euro Mul Nokës si shpërblim për dhjetëra afera kriminale të këtij oligarku të dyshimtë.
Me sa duket Maho luan me shumë porta, me qëllim për të përfituar nga pushteti aktual, por edhe për të mbajtur lidhjet me Familjen Berisha.
Petrit Maho dyshohet dhe është lakuar nga vetë segmente të PD-së se fsheh një vilë të Flamur Nokës në Gjirin e Lalzit. Edhe dihet botërisht se Flamur Noka posedon vilën, e frekuenton dimrit edhe verës, ajo rezulton në emrin e Mahos, i cili është person i besuar i Nokës.
Edhe pse ka indicie të mjaftueshme, SPAK më në fund sapo ka nisur të paktën një verifikim për vilë me vlerë mbi 760 mijë euro. /Ekskluzive.al
