Deputeti i Rithemelimit, Luan Baçi është thirrur ditën e djeshme në Prokurorinë e Posaçme. Edhe pse ai vetë nuk zbuloi për mediat se për çfarë po hetohet, në një studio televizive ka deklaruar disa muaj më parë, se ka qenë dhe herë tjetër në SPAK, pasi ndaj tij kishte një kallëzim për fshehje pasurie.
Baçi është shprehur se denoncimi ishte bërë nga një ‘patronazhist në Fier’. Herën e kaluar në SPAK, Baçi tha se kishte bërë një deklarim pasurie, pasi këtë ia kishte kërkuar një ‘oficer i SPAK’.
Për çfarë po hetohet Luan Baçi?
Sipas burimeve të gazetës “SOT”, Luan Baçin e ka çuar në SPAK shtetasi Aredin Behari. Në këtë kallëzim shtetasi Behari pretendon se deputeti Baçi ka fshehur një pasuri prej gati 800 mije euro nëpërmjet makinacioneve me një investim me njeriun e tij te afërt.
Shtetasi Behari nëpërmjet provave tregon se si në periudhe 2010-2011 deputeti Luan Baçi, nëpërmjet gruas së tij, bën një investim në vlerën e 783 mijë eurove cash në një kompleks turistik ne Vlore. Shtetasi Behari pretendon se Deputeti Baçi nuk e deklaron këtë investim pasi i druhet një hetimi pasuror nga ana e SPAK.
“Ky hetim, nëse kryhet nga SPAK, do te nxirrte fare qarte se Luan Baçi gjate periudhës 2010-2012 ka pastruar leket e korrupsionit dhe ryshfeteve si Drejtor i Transportit Rrugor, Fier”, pretendon shtetasi Behari.
Nga leximi i bërë nga një kopje e këtij kallëzimi del se Luan Baçi, nëpërmjet pagesave cash në lekë dhe në euro, ne periudhën shkurt 2010- korrik 2011, ka paguar kuotën e tij te investimit si dhe ka blere disa njësi nga ortaku Aredin Behari në kompleksin Diamond Hill & SPA ne Vlore, për një total prej 782.935 Euro. Asnjë nga këto transaksione nuk figurojnë ne deklaratat e pasurisë se Deputetit Luan Baçi, te dorëzuara pranë ILKDPI.
Siç po e tregojnë faktet, gjithë këto vite, politika, institucione të kontrolluara prej saj dhe drejtësia e vjetër, kanë qenë bashkë duke shpëtuar pasuritë e tyre të paligjshme. Të gjithë kanë menduar se do t’ia hedhin paq, pasi kanë besuar se i kanë eliminuar të gjitha provat në aferat e tyre.
Por është pasuria, elementi që pritet të fundosë politikanë e oligarkë. “Folloë the Money”, kjo është skema amerikane që po ndjek SPAK, si udhërrëfyes në luftën kundër pasurisë së paligjshme.
