Pas një shkëputjeje të gjatë, liqenit të Shkodrës i janë rikthyer anijet turistike, duke tërhequr menjë herë qytetarë e vizitorë të shumtë.
Kryeministri Edi Rama ndau në rrjetet sociale pamje nga lundrimet turistike në Liqenin e Shkodrës.
“Anijet e para turistike në Shkodër”, shkroi kryeministri Rama.
Vetë qytetarët e Shkodrës si dhe turistët e shumtë, tashmë mund të shijojnë një peizazh mbresëlënës nga liqeni më i madh i Ballkanit.
Qeveria dhe Fondi Shqiptar i Zhvillimit kanë mundësuar dy anijet e para turistike, Buna dhe Drini, me kapacitet prej 33 vendesh secila, që do të shërbejnë për lundrimin në liqen. Paralelisht po punohet me krijimin e 3 moleve përgjatë liqenit dhe lumit Buna./ATSH
