Muli mori vesh se SPAK ka dërguar letër në çdo noter dhe çdo bankë për pasuritë e tij.
Kjo e mërziti në fillim, por pastaj e mblodhi veten.
Thirri Lelon që të mos e jepte veten.
-Më në fund, tha, unë dhe Doktori kemi të njëjtin status.
Jemi të dy nën hetim.
Kjo tregon qartë se kujt i trembet SPAK dhe Edi Rama.
-Ta bëjmë publike, tha Lelo?
-Ta bëjmë, i tha Muli.
Të themi pas sulmit tim mbi SPAK dhe premtimit se kur të vijmë në pushtet do ta shkrijmë si strukturë, ata filluan hetimin pasuror ndaj meje.
-A ke ndonjë rrezik, tha Lelo?
-Unë jam i lumtur të kem të njëjtin fat me Doktorin.
Nën hetim ai, nën hetim unë, në burg ai, në burg unë.
-Problemi është se do thonë demokratët pse ka dy standard, tha Lelo, se Doktorin nën hetim e kanë mbyllur në shtëpi dhe del në penxhere, kurse ti nën hetim shkon i lirë tek rrugica.
-Nuk do zgjasë shumë kjo, tha Muli.
Po nuk më ndaluan dhe mua do bëj ndonjë aksion të fortë të më fusin brenda.
Unë duhet të kem një status me atë burrin.
Ndryshe më duket sikur e tradhtoj.
