Pas deklaratave të ambasadorit Donald Lu, se qeveria ka dështuar në kapjen e “peshqve të mëdhenj”, ka reaguar edhe kryeministri Edi Rama. Në përgjigje të ambasadorit, Rama tha se: Drejtori me mbrojtje politike, do të kapet!
“Ambasadori Lu foli për çështjen e Klement Balilit. Arritja në kapjen e këtij personazhi të botës së krimit është një domosdoshmëri, dhe do të jetë një sukses i madh.
Por mos harrojmë se vetëm pak vite më parë ky persin ishte drejtor. I lidhur politikisht, dhe politikisht i promovuar, jo drejtor peshkimi, por drejtor transporti. Dhe sot është në kërkim. Në bashkëpunim me partnerët, ai do të kapet.
Sot ne jemi frontalisht të vendosur, dhe për këtë arsye në shikojmë deri në shfaqje të pabesueshme të lidhjes së krimit me politikën. Ministri i Brendshëm u vu në një sulm që diskreditonte luftën ndaj krimit të organizuar.
Në Shqipëri, shqiptarët nuk mund ta hanë atë lloj teatri, por të huajt që marrin raportin ku shkruhet audio-përgjim ku shfaqet vëllai i ministrit duke diskutuar sasitë e drogës me trafikantët, nuk ka as kohë, e as dëshirë si është e vërteta, po i bie shkurt të thotë ‘ja kjo është Shqipëria’.
Dhe unë e konsideroj atë një nga shfaqjet më shembullore të bashkëpunimit të politikës me krimit për të goditur gjithë trupëzimin e shtetit kundër krimit.
Nuk shoh asnjë arsye tjetër që një parti politike të bashkëpunojë me persona që kanë hyrë e kanë dalë nga burgjet si turistë nëpër hotele për të inskenuar një film me personazhe të interpretuara tjetër për tjetër nga sa ata janë. Dhe jam i bindur se këtë çështje prokuroria do ta zbardhë deri në fund”, u shpreh Rama.
