Ilir Meta disa ditë më parë zhvilloi një vizitë në Lubjanë ku mbajti një fjalim në Institutin Ndërkombëtar për Studime të Lindjes së Mesme dhe Ballkanit (IFIMES), ku si gjithmonë sa herë gjen rastin të shfaqet në një konferencë apo institucion hedh akuza ndaj kryeministrit Edi Rama, dhe merr në mbrojtje aleatin e tij, Sali Berisha, i cili ndodhet në arrest shtëpie prej 30 dhjetorit 2023.
Por çfarë është IFIMES, ku ishte Ilir Meta?
‘Sipas vetëpërshkrimit “Instituti Ndërkombëtar për Studime të Lindjes së Mesme dhe të Ballkanit” – është një zyrë që nuk duhet të merret seriozisht për shkak të analizave të bazuara kryesisht në spekulime.
Në të kaluarën IFIMES shpesh është marrë seriozisht në disa vende të Ballkanit pasi plasonte analiza pompoze, paralajmëronte ndryshime tektonike në skenat përkatëse politike dhe shpesh njoftonte pa asnjë bazë për planet që gjoja po përgatit Perëndimi për të hequr qafe apo përkrahur këtë apo atë politika.
Shtatë dhe pesë vjet pas teksteve të mia, gazeta e njohur gjermane DIE ZEIT në një hulumtim të gjerë ka arritur të sigurojë indikacione që zbulojnë joseriozitetin dhe rrezikun potencial të këtij instituti me seli në kryeqytetin slloven’, shkruan Enver Robelli.
Por meqenëse së fundmi angazhimi i Metës në politikë ka qënë i varfër, ai ka gjetur vetëm këtë institut për të vijuar sulmet e tij ndaj qeverisë apo për të marrë në mbrojtje Berishën.
