Në emisionin Open në News24 u zhvillua një debat i ashpër mes deputetit të PD-së Flamur Noka dhe gazetarit Arbër Hitaj.
Hitaj pyeti Nokën nëse ai dhe disa persona në Partinë Demokratike kanë frikë nga SPAK-u. Ndërsa, Noka tha se nuk ka frikë aspak, duke fyer edhe gazetarin.
Arbër Hitaj: Gjykata foli dhe vendimi njihet. Më vjen mirë që ka qasje pozitive. Më vjen mirë që Basha tha se ne e njohim vendimin dhe nuk kemi çfarë të diskutojmë. Ra miti që drejtësia kontrollet nga mazhoranca. Ka shumë çështje që kanë shkuar në favor të opozitës. Kemi shumë gjyqtarë që po shkojnë në SPAK. Edhe disa personazhe që opozita ka thënë se nuk do shkojnë në burg, sot kanë telashe me drejtësinë. Drejtësia ka barrën që të nisë procesin, kur ka prova. Unë prisja që z Noka të sillej si fitues.
Flamur Noka: Nuk është fitore. Haka thjesht shkoi tek i zoti. Ju doni ta shisni si fitore që na dha gjykata, por jo. Ka vetëm një emër për gjithçka, Edi Rama.
Arbër Hitaj: Për kë e bëtë thirrjen që të vijnë të gjithë demokratët në PD? Ndryshoni reportor dhe kasetë, se thoni të njëjtat gjëra. Ju keni bërë qasje sot si humbës, shpresoj të kuptoni peshën politike që mbartni pas këtij vendimi.
Flamur Noka: Kur nuk ka çështje nuk ke pse përgjigjesh. Ne nuk jemi këtu për triumf, sot morëm një të drejtë që na është mohuar. PD ka humbur për dy vite shumë, janë mbajtur peng simbolet e PD-së. Ne na duhet të përballemi me mazhorancën, që t’i japim Shqipërisë një qeveri teknike.
Arbër Hitaj: Ju keni konflikt interesi nga SPAK.Ju keni frikë. Nuk janë dënuar politikanë nga Struktura e Posaçme vetëm politikanë djathtas, por edhe majtas.
Flamur Noka: Merrni briskun ti dhe SPAK. Drejtësia është e kapur. Beteja jonë është bashkimi dhe lirimi i liderit tonë. Më pas rrëzimi i kësaj qeverie dhe rikthimi i një qeverie teknike. Kjo nuk është drejtësi.
Arbër Hitaj: Këta duan të llastohen, duke iu thënë se janë të mirë, kur nuk janë të mirë. Kanë konflikt interesi, pikë.
Arbër Hitaj: Tregoni a keni frikë nga SPAK? Thoni të vërtetën, lëri pallavrat?
