Shqiptarë ejani sa herë të doni” Në evropianin e vitit 2016 gazetat franceze, por jo vetëm, e shprehnin kështu vlerësimin për ato që tifozët shqiptarë treguan qyteteve të Francës, për kulturë, civilizimin, entuziazmin dhe ngjyrat e festës që i dhanë rrugëve të Lensit, Marsejës dhe Lionit.
Një gazetë franceze në vitin 2016
8 vite më vonë më vonë shqiptarët në Gjermani, jo vetëm po rikonfirmojnë vetveten, por edhe më shumë se kaq, duke mahnitur të gjithë kontinentin e vjetër. Deri më tani shqiptarët kanë veshur kuqezi qytetet gjermane. Dortmundi dhe më pas Hamburgu kanë folur shqip më 15 dhe 19 qershor. Lumenj kuqezi kanë vërshuar rrugëve, një tifozeri unike, ambasadorët vërtetë të Shqipërisë evropiane, pjesa më e bukur e shpirtit shqiptar!
Në Gjermani janë pa fjalë. Forcat e policisë që kanë pasur detyrë të garantojnë sigurinë aty ku do të ishin shqiptarët kanë mbetur pa punë. Dhe sigurisht kohën e kanë shfrytëzuar edhe për të bërë shqiponjën kuqezi apo për të marrë një valle mes shqiptarësh.
Krahas flamujve kuqezi në duar, te ngritur në qiellin e krenarisë shqiptare, kishim gjithnjë pranë një flamur të kundërshtarëve, si lapidar i shpirtit solidar të kalitur ndër mijëravjeçarë.
Skena me shakanë me spaghetit që u konsiderua nga mediat më të mëdha ndërkombëtarë si ‘maja e këtij evropiani”, që u bë virale në çdo cep të globit, do të mbetet gjatë në kujtesë.
Shqiptarët ishin padronët e Dormundit më 15 qershor, por kundërshtarit nuk ia treguam në asnjë rast si prepotencë. Përveç shpërthimit të zemrës me “Rreth flamurit të përbashkuar, himnin e axurrëve e kënduam dhe e duartrokitëm të gjithë bashkë. Humbja na mërziti por festën s’e ndalëm duke mbajtur zgjuar Dortmundin deri në mëngjes.
Këto emocione shqiptarët nuk do t’ia mohonin kurrsesi Hamburgut, në derbin ballkanik, që mundi çdo steriotip evropian për atë që presin kur përballën ballkanasit. E kush mund ta priste që 2 kombe nga Ballkani ta mbyllnin kështu sfidën mes tyre.
Stacioni i radhës është Duseldorfi historik, stacion të cilin urojmë të mos jetë i fundit. Kuqezinjtë në fushë do të japin gjithçka për të shkuar sa më larg në këtë evropian, të cilin shqiptarët në qytete dhe tribuna trofeun e qytetarisë evropiane e kanë bërë të tyrin.
